दमक/
झापाको दमक ८ स्थित पुरानो पश्चिम वसपार्कमै नयाँ होटल खुलेको छ । दमकका पुराना व्यवसायी टिका भट्टराईले २०६५ साल देखी सुरु गर्नु भएको होटल पाँचथर नयाँ स्वरुपमा उद्धघाटन भएको छ ।
उहाँका छोरा रमेश भट्टराईले अहिलेको माग अनुसार थकाली स्वाद चाख्न र पुरानो यादहरु स्मरण गराउँन नयाँ व्यवस्थापन सहित पाँचथर थकाली होटल सञ्चालनमा ल्याउनु भएको हो ।
होटलको बिहिबार दमक नगरपालिकाका प्रमुख राम कुमार थापाले रिवन काटेर उद्धघाटन गर्नु भएको थियो । नगरकी उप प्रमुख रेगिना भट्टराई प्रसाई, वडा नं ८ का वडाध्यक्ष दिपेश दाहाल , होटल व्यवसायी महासघंका केन्द्रिय सदस्य भुपेन्द्र न्यौपाने, दमक नगर कमिटी अध्यक्ष योगराज दंगाल, दमक उद्योग वाणिज्य सघंका कार्यसमिती सदस्य कमल कट्वाल लगायतको उपस्थितीमा होटल उद्धघाटन गरिएको थियो ।
उद्धघाटन पछि बोल्दै नगर प्रमुख थापाले अहिलेको जटिल आर्थीक अवस्थामा समेत यत्तीको लगानी गरेर होटल सुरु गर्नु निकै हिम्मत गर्नु रहेको उल्लेख गर्दैै व्यवसायीक सफलताको सुभकामना व्यक्त गर्नु भएको थियो ।
सुरुमा होटल पाँचथर खोल्ने बेलामा आफुपनि त्यसको साक्षीको रुपमा रहेर सस्थापक टिका भट्टराईसग सल्लाह गरेर स्थापना गरिएको समेत उहाँले स्मरण गर्नु भएको थियो ।
अहिलेको आधुनिक पाँचथर थकाली होटलमा ४२ लाख लगानी पुगेको सञ्चालक रमेश भट्टराईले जानकारी दिनुभयो ।
यहाँ गरिएको इण्टेरियर डेकुरेसशनले नेपाली समुदायको सस्कार र सस्कृति समेत झल्काउने भएकोले लगानी केहि बढि लागेको उहाँले बताउनु भयो ।
नेपाली परिकारका हरेक परिकार यहाँ खान पाइने र विषेश गरि थकाली खाना सेट आफ्नो विषेशता रहेको भट्टराईले उल्लेख गर्नु भयो ।
उद्धघाटन कार्यक्रमको भिडियोलाई यहाँ राखीएको छ ।










