झापा/
आँखाबाट आँशु तुरुक्क चुइरहेको थियो । जतिबेला हामीले ‘आमा घरमा तपाईको कोको हुनुहुन्छ भनेर सोध्दा’ ।
सायद यो प्रश्नले उहाँलाई आफ्नो बिगत स्मरण गरायो । जुन विगतले उहाँलाई वियोगान्तमा पुर्याएको थियो ।
उहाँको नाम नरमाया थापा रहेछ । घर भारतको आसाम । श्रीमानको मृत्यू भयो । सन्तान कोहि पनि छैनन । एक्लै कहाँ बस्ने के गर्ने भौतारीनु भयो । उहाँका अनुसार भतिज गणेश थापाले आसामबाटै झापा ल्याएर छाडीदिए । तर यहाँ कोहि पनि आफन्त छैनन । कहाँ जाने । अत्यन्तै कष्टकर पूणर् जिवन थापाले व्यतित गर्नुपर्यो ।
यसरी अत्यन्तै सकसपूणर् तरिकाले हिडिरहनु भएकी थापाको गन्तव्य कहाँ हो थाह थीएन । भेट्ने कस्लाई हो त्यो पनि पत्तो छैन । आज के खाने , रातमा कहाँ बास बस्ने त्यसको पनि ठेगान छैन ।
दया माया गरेर जस्ले एक डल्लो खान दियो त्यहि नै उहाँको भान्सा भयो । ढाड दुखाउँदै जेठको घाममा हिड्दा हिडदै जसको घरमा पुग्नु हुन्छ र जसले बास दिन्छ त्यहि नै उहाँको ओत लाग्ने घर बन्यो ।
यसरी भौतारिएर हिड्दा हिडदै झापा शिवसताक्षी नगरपालिका वडा नं १ स्थित मेरिना कार्कीको घरमा पुग्नु भयो ।
आमाका कथा सुन्दा उहाँको मनले त्यहाँबाट अन्त जान दिनै मानेन । आमालाई सोध्नु भयो ‘आमा कहाँ जाने त अव ?’ आमाले ‘मलाई बृद्धा आश्रम जान मन छ किन कि मेरो अव घर र अफन्त कोहि छैनन’ भन्ने जवाफ दिनुभयो । यहि क्रममा कार्कीले बृद्धाश्रम पुर्याउने पहल गर्नु भयो ।
आमाको त्यो चित्कार मेरिना मार्फत असाय मानव सेवा समाज सम्म पुग्यो । यसरी वेवारिसे भएकाहरुलाई सुरक्षित तरिकाले सके सम्म गन्तव्य स्थान सम्म र नसके पनि सुरक्षीत गृह सम्म पुर्याएर वेवारिसे जीवनबाट मुक्त दिने काम यो समाजले गरिरहेको छ । यहि क्रममा समाजकी अध्यक्ष सजु बुढाथोकी सहितको टोलि मेरिनाको घरमा पुग्यो र आमा नरमायाको उद्धारमा जुट्यो ।
यहाँबाट उद्धार गरि आमा नरमायालाई विर्तामोडमा रहेको परोपकार तथा अनुसन्धान केन्द्रद्धारा सञ्चालीत वृद्धाश्रममा लगियो । त्यहाँ उहाँको सबै प्रबन्ध मिलाइयो ।
उद्धार कार्यमा सहभागी भएको असाय मानव सेवा समाजको यो अभियानमा दमक नगरपालिकाको सहयोग रहेको छ । सरोकारवालाहरुको परामर्ष सहितको अर्थपूणर् सहयोगले यस्ता काम गर्न सहज भएको अध्यक्ष बुढाथोकीले बताउनु भयो ।
भिडियो हेरौ
