दमक/
पालिका सरकारहरु अहिले आगामी आर्थिक वर्षको बजेट बनाउने काममा व्यस्त छन् । कस्ता कार्यक्रम ल्याउने र ती कार्यक्रममा बजेटको प्राथमिकता कसरी छुट्याउने भन्नेमा अहिले जनप्रतिनिधी र कर्मचारीको ध्यान केन्द्रित भएको छ ।
यहि सन्दर्भमा हामीले दमक नगरपालिकाले शिक्षा सम्बन्धी कस्ता कार्यक्रम गर्दै छ र त्यसको कार्यान्वान कस्तो हुँदै छ भन्नेबारेमा बहस गरेका छौ ।
उज्यालो शिक्षा कार्यक्रम मार्फत गरिएको बहसमा दमक नगरपालिकाको शिक्षा समिती अध्यक्ष कुवेर भट्टराई, नगरपालिकाले शिक्षा सम्बन्धीको बनाइरहिएको नितीको मस्यौदा समिती संयोजक कृष्ण भण्डारी र निजी शैक्षिक सस्थाका सञ्चालक टेकनाथ भण्डारी सहभागी हुनुभयो ।
दमक नगरपालिकाले अहिले नगरको शैक्षिक गुणस्तर बृद्धि गर्न भनेर १ करोड रुपैँया बजेट छुट्ट्याएको छ । यसले यहाँ रहेका २१ वटा समुदायीक विद्यालयहरुलाई कनिका छरेझै वितरण गर्न पुगेको छ ।
आगामी वर्ष चाहि यो वजेटको आकार बढाएर ५ करोड बनाउने प्रस्ताव समितीले बजेट निर्माण गर्ने समितीलाई पेष गरेको बहसमा क्रममा शिक्षा समिती संयोजक भट्टराईले बताउनु भयो ।
तर बिनियोजीत बजेटको सहि कार्यान्वान हुने कुरामा आशंका व्यक्त गर्नु हुन्छ दमकमा लामो समय श्रोत व्यक्ति समेत भएर काम गर्नु भएका र अहिले चाहि ढुकुरपानी माविका प्रधानाध्यापकको काम गरि रहनु भएका कृष्ण भण्डारी ।
यता निजी शैक्षिक सस्थाका सञ्चालक टेकनाथ भण्डारी भने दमकका २१ वटा सामुदायीक विद्यालयलाई मर्ज गरेर ५/६ वटा विद्यालय बनाउन सुझाव दिनु हुन्छ । ‘२१ मा गरिने लगानी त्यहि ५/६ मा गरौ । निशुल्क नगर बस सञ्चालन गरेर विद्यार्थीहरु ओसार परास गरौ । यसो गरेमा सामुदायीक विद्यालयको शैक्षिक अवस्था सुध्रन्छ र यसकै दवावमा यहाँ रहेको निजी बिद्यालयले पनि आफ्नो गुणस्तरियता सुधार गर्ने छन् । ’ भण्डारीको भनाई छ ।
तीन जनासँग गरिएको उज्यालो शिक्षाको भिडियो यहाँ राखीएको छ ।
