इन्द्रेणी ताल प्रर्वधन गर्न ‘नक आउट फूटबल प्रतियोगिता’ गरिदै (भिडियोमा हेरौ)

दमक/
झापाको दमक १० मा रहेको इन्द्रेणी ताल । यो तालको बारेमा दमक सहित आसपासमा बसोबार गर्ने अधिकांसले सुनेका छन् । कोहि पुगेका पनि छन् । बेला बेला पिकनिक खान वा घुम्न भनेर जानेहरु फेरी इन्देणी ताल आहा राम्रो ठाउँ हो जाउँ जाउँ भनेर फर्केर जानेहरुभने बिरलै भेटिन्छन् । यती मात्रै नभएर अहिले हिउँदको समय सुरु भयो । यो बेला विभिन्न सस्था, क्लव तथा समुहरु पिकनीकमा रमाउने गर्छन । घर देखी बाहिर गएर रमाईलो गर्दै पिकनीक मनाउँछन् । दमकबासीकालागि नजिकै एउटा राम्रो पिकनिक स्पोर्टको आवश्यकता छ । तर यस क्षेत्रका अधिकांशहरु इन्द्रेणी तालहरु छोडेर यतीनै दुरीमा रहेको इलामको चपेटी जान्छन् । वा खुडी जाने गर्छन ।

इन्द्रेणी तालमा चपेटी र खुडीमा भन्दा राम्रा संरचना छन् । पिकनीक खाने बेग्लै स्पोर्टपनि बनाइएको छ । फोटो खिच्ने पर्याप्त स्थलहरुपनि छन् । तर पनि तुलनात्मक रुपमा त्यहाँ पुगीरहेका हुदैनन् । यसो हुनुको कारण चाहि यहाँको व्यवस्थापन समितीको निस्किृयता नै रहेको समितीका पदाधिकारीनै स्विकार गर्छन ।

अहिले यहाँ इन्द्रेणीको आकार देखिने गरि एउटा पुल बनाइएको छ । पोखरीमा डुङ्गा चलाउने तयारी भइरहेको छ । पोखरीमा कमलका फूलहरुले सौन्दर्यता बढाइरहेको छ । वरीपरी बगैचा बनाएर आकर्षक बनाइएको छ । बस्नकालागि फलैँचा छ । घुम्न आउनेहरुकालागि खाजा खाने रेष्टुरेण्ट खुलेको छ । दमक देखी त्यहि ताल सम्म पुग्न कालोपत्रे पिच बनाइएको छ । ताल संरक्षण गर्न घेराबारा गरिएको छ । ठाउँ ठाउँमा पिकनीक स्पर्ट पनि निर्माण गरिएको छ । तर पनि यहाँ आन्तरिक पर्यटक समेत आएनन् । यसरी आन्तरीक पर्यटकको समेत नजरमा पर्न नसकेपछि अघील्लो वर्ष यहाँ बिभिन्न एडभेञ्चर खेल खेलाइयो । त्यो अवधीभर सो खेल हेर्न आउने दर्शक आए । तर ती दर्शक फेरी फर्केर तालमा पुगेनन् । अहिले फेरी यहाँ रहेको इन्द्रेणी यूवा क्लवले इन्द्रेणी कप नक आउट फूटबल टुर्नामेण्टको आयोजनाा गर्दैै छ । के यसरी खेल सम्बन्धीका प्रतियोगिता गर्दैमा पर्यटक बढ्छन् त ? क्लवका अध्यक्ष सुवास सुवेदी भन्नु हुन्छ ‘हाम्रो त प्रयास हो । आउने न आउने आगन्तुकको कुरा ।’

यो ताल सरकारी नजर नपरेको पनि हैन । वडा, पालिका, प्रदेश र केन्द्र सरकार सम्मले यहाँ बजेट दिइरहेका छन् । जसले गर्दा विभिन्न संरचना बनेका पनि छन् । कुनै बेला तालको अस्तित्वनै संकटमा परिसकेको यो ताल सरकारी बजेटमा पर्न थालेपछि भने पहिचान बनाउन सकिरहेको छ । यसलाई दमकको एउटा प्रमुख पर्यटकीय स्थल बनाउने काममा स्थानिय जनप्रतिनिधीहरु लगि परिरहेको र यसकालागि विभिन्न निकायसँग समन्वय समेत गरिरहेको वडा नं १० का वडाध्यक्ष राजेन्द्र भण्डारीको भनाई छ ।

करिव ५ बिगाह क्षेत्रफलमा फैलिएको यो तालको प्रर्वधन गर्न यहि मंसिर २७ गते देखी ३ गते सम्म नक आउट फूटवल प्रतियोगिताको आयोजना हुँदै छ । १२ टिम सहभागी हुने यो प्रतियोगितामा बिजेताले नगद ५० हजार मेडल, टफ्री र प्रमाणपत्र पाउने छन् भने द्धितिय हुनेले नगद ३० हजार मेडल, टफ्री र प्रमाणपत्र र अनुशासीत टिमले समेत नगद १५ हजार मेडल, टफ्री र प्रमाणपत्र पाउने छन् । अन्य विधागत पुरस्कारको पनि पनि प्रवन्ध गरिएको शुक्रबार तालकै अगाडी पत्रकार सम्मेलन गरेर जानकरी गराइएको छ ।

भिडियोमा हेरौ 

 

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

निष्पक्ष निर्वाचन गराउने मुख्य जिम्मेवारी सरकारको हो : गगन थापा

काठमाडौं ,४ मंसिर। नेपाली कांग्रेसका सभापति गगन थापाले निर्वाचनको निष्पक्षता र शान्तिपूर्ण वातावरण सुनिश्चित गर्ने जिम्मेवारी निर्वाचन आयोगको मात्र नभई सरकारको पनि भएको बताँउनु भएको

भुपेन्द्रजंग शाहीद्वारा महामन्त्रीमा उम्मेदवारी घोषणा

काठमाडौं ,४ मंसिर। नेपाली कांग्रेसको शेर बहादुर देउवा समूहले गर्न लागेको १५ औं नियमित महाधिवेशनमा नेतृत्वका आकांक्षीहरुले आफ्नो उम्मेदवारी घोषणा गर्न थालेका छन् ।विशेषगरी उपाध्यक्ष,

भारत जान लागेका प्रधानमन्त्रीले चिन बारे के भने? किन झस्क्यो चिनिया सरकार बालेन सरकारसँग ?

काठमाडौँ,४ मंसिर ।प्रधानमन्त्री बालेन शाहले राष्ट्रिय स्वतन्त्र पार्टी (रास्वपा) का २० जना सांसदलाई चीन भ्रमणमा जानुअघि एउटा विषयमा विशेष सावधानी अपनाउन सुझाव दिनु भएको थियो—

राप्रपा अध्यक्षमा ज्ञानेन्द्र शाहीको उम्मेदवारी घोषणा

काठमाडौं ,४ मंसिर। राष्ट्रिय प्रजातन्त्र पार्टी (राप्रपा) का नेता ज्ञानेन्द्र बहादुर शाहीले पार्टीको आगामी केन्द्रीय महाधिवेशनमा अध्यक्ष पदमा उम्मेदवारी दिने घोषणा गर्नु भएको छ।शुक्रबार पत्रकार

प्रधानमन्त्री शाहको भारत भ्रमणको कार्यतालिका सार्वजनिक

काठमाडौं ,४ मंसिर। परराष्ट्र मन्त्रालयका सचिव अमृत राईले प्रधानमन्त्री बालेन शाहको भारत भ्रमणले नेपाल–भारतबीचको ऐतिहासिक, सांस्कृतिक तथा जनस्तरको सम्बन्धलाई थप सुदृढ बनाउनुका साथै द्विपक्षीय साझेदारीलाई

प्रधानमन्त्री शाहको भारत भ्रमणमा ५२ व्यवसायी सहभागी हुने

काठमाडौं,४ मंसिर । प्रधानमन्त्री वालेन्द्र शाहको भारत भ्रमणमा ५२ जना व्यवसायी पनि जाँदै छन् ।परराष्ट्र सचिव अमृत राईका अनुसार प्रधानमन्त्रीको भ्रमण दलमा ३४ जना सदस्य

लालबन्दीमा प्रेमिका भेट्न गएका युवक मृत फेला

सर्लाही,४ मंसिर । सर्लाहीको लालबन्दीमा प्रेमिका भेट्न गएका एक युवक मृत फेला परेका छन् । प्रेमिकाको कोठामा अचेत अवस्थामा भेटिएका हरिपुर्वा नगरपालिका–९, बगेवा गाउँका २०