दमक/ सोमबार साँझको समय । साढे ६ बजिसकेको थियो । आकाशमा वर्षात हुन तयारी देखिन्थ्यो । तर दमकस्थित गणतन्त्र चोकमा नेकपा एमाले र नेपाली काग्रेसका नेता तथा कार्यकर्ताहरु बिस्तारै भेला भए । भेला हुन आउनेहरुका कसैको हातमा मैनबत्ती थियो । कोही माईक र साउण्ड सिस्टम बोकर आइरहेका थीए । अनि कोही चाँही त्यहाँको भीडलाई व्यवस्थापन गरिरहेका पनि थीए ।
यही भीडबाट नेकपा एमाले दमक नगर कमिटीका अध्यक्ष राम पौडेल माईक समाउँदै भीड जम्मा भएको भन्दा एक खुड्किलो माथी उठेर सम्बोधन गर्न थाल्नु भयो । सबैको ध्यान अध्यक्ष पौडेल तर्फ केन्द्रित भयो ।
यो भीड जम्मा भएको रहेछ नेकपा एमाले र नेपाली काग्रेसको गठबन्धनबाट बनेको सरकारको स्वागत गर्न ।
सरकारको नेतृत्व गर्नु भएका नेकपा एमाले अध्यक्ष तथा प्रधानमन्त्री बन्नु भएका केपी शर्मा ओलीको दमक गृहनगर रहेकाले त्यसैको खुसीयालीमा सामूहिक दीप प्रज्वलन कार्यक्रम राखिएको अध्यक्ष पौडेलेले खुड्किलोमा उभिएर सहभागी तर्फ फर्केर बोल्नु भयो ।
अनि नेपाली काग्रेस दमक नगर समितीकाका उप सभापति प्रेम भट्टराईले भेलामा बोल्दै भन्नु भयो काग्रेस एमाले गठबन्धनको सरकारले परिणाम दिने काम गर्न सकोस् जनताका समस्या सम्बोधन गर्न सकोस हार्दिक शुभकामना ।
यसपछि सहभागीहरुलाई दीप प्रज्वलन कार्यक्रममा सहभागी हुन अनुरोध गरियो । यसको थालनी एमालेका केन्द्रीय सदस्य रोमनाथ ओली र गीता अधिकारीले गर्नु भयो । यसपछि सबैले त्यहाँ लेखिएको अक्षरमा मैनवत्ती बाले ।
लेखिएको थियो नेपालको ४५ औ प्रधानमन्त्री बन्नु भएकोका हार्दिक बधाई तथा शुभकामना । आकाशबाट पानी पर्नै लागिसकेको थियो । त्यही भएर हातको मैनवत्ती सल्काएर भेलालाई संक्षिप्त सम्बोधन गर्दै एमाले केन्द्रीय सदस्य ओलीले भन्नु भयो देशका दुई ठूला दल मिलेर सरकार राम्रोसग चल्न सक्नु पर्छ र जनताका समस्यालाई सम्बोधन गरिनु पर्छ ।’
यसपछि कार्यक्रममा सहभागीहरुमा एकाएक जोश र जाँगर बढेर आयो । अनि एकबाट गुञ्जिन थालेको गाँउगाउँबाट उठ बस्ति बस्तिबाट उठ बोलको गीतमा सबैले आवाज दिन थाले । एक छिन भएपनि यो गीतले दमक चोक घन्केको थियो ।
