नदी नियन्त्रणमा सरकारी प्रयास

झापाका ठूला नदीमा १३० किलोमिटर क्षेत्रमा तटबन्ध

 

दमक, ११ साउन / झापा बाढीको उच्च जोखिममा पर्ने क्षेत्र हो । कनकाई, मेची, बिरिङ, रतुवा, मावा, कमल, बनियानी, निन्दा, हडिया, टाङटिङ सहितमा आउने बाढीबाट वर्षेनी जनधनको क्षति हुँदै आएको छ । यसलाई दृष्टिगत गरी सरकारले आर्थिक वर्ष २०६६÷०६७ बाट ‘जनताको तटबन्ध’ नामक ठूलो योजनाको कार्यक्रम सञ्चालन गरी क्षति न्यूनिकरणको प्रयास गरिरहेको छ । जुन उर्जा, जलश्रोत तथा सिंचाई मन्त्रालय मातहतको निकाय हो ।

 

जनताको तटवन्ध कार्यालय गैंडे झापा अन्तर्गत हालसम्म विभिन्न ५ खोला तथा नदीमा गरी ११७.४२ किलोमिटर तटबन्ध गरिएको छ । जहाँ कुल ३०३.६६ किलोमिटर तटबन्ध गर्नुपर्ने कार्यक्रमको लक्ष्यमा हालसम्म ११७.४२ किलोमिटर तटबन्ध गरेर ३७.५५ प्रतिशत प्रगति हाँसिल भएको छ । सोही कार्यालयले समन्वय गरेको अन्य योजना समेत गरी कुल १३० किलोमिटर क्षेत्रमा तारजालीको बाँध बाँधिएको छ ।

 

वर्षाैंदेखि बाढीको कटानबाट पीडित बन्दै आएका स्थानीयले यो कार्यक्रमबाट तटवन्ध अघि बढेपछि धेरै राहत महसुस गरेका छन् ।
५ खोला तथा नदी नियन्त्रणका लागि कुल १७ अर्ब ६१ करोड बजेट आवश्यक पर्ने योजना बनाइएको थियो । सो मध्ये गत आर्थिक वर्षमा ५६ करोड ९६ लाखको लागत मार्फत १४.४६३ किलोमिटर तटवन्ध गरिएको जनताको तटवन्ध कार्यालय गैंडेका सूचना अधिकारी इन्जिनियर दुर्गाप्रसाद पोखरेलले जनाउनु भयो । त्यसमध्ये हालसम्म ३ अर्ब ८२ करोड ८२ लाख रकम खर्च भएको विवरण छ । बजेट निश्चित नभई वर्षेनी घट्दो क्रममा रहेकाले कहिलेसम्ममा तटबन्धको लक्ष्य पुरा गर्न सकिएला भन्ने यकिन गर्न भनें गाह्रो छ ।

 

जिल्लाको सबैभन्दा पश्चिमी क्षेत्रमा रहेको रतुवा र मावामा ९० दशमलव ८५ किलोमिटर तटबन्ध गर्नुपर्नेमा गत आर्थिक वर्षमा २.१५८ किलोमिटर तटबन्ध हुँदा हालसम्म तटबन्धको लम्बाई ३८.०४ किलोमिटर पुगेको छ । जुन गत आर्थिक वर्षसम्मको कुल ४१ दशमलव ८८ प्रतिशत भौतिक प्रगति हो । यसका लागि ३ अर्ब ८९ करोड ६४ दशमलव ८४ लाखको लागत रहेकोमा हालसम्म १ अर्ब ३२ करोड ६०.६० लाख रुपैयाँ आर्थिक खर्च भएको छ ।

 

 

त्यस्तै, कमलमा ४६.८४ किलोमिटर तटबन्ध गर्नुपर्नेमा हालसम्म ३१.६७ प्रतिशत भौतिक कार्य प्रगति हुन पुगेको छ । जसमा गत आर्थिक वर्ष २.८१२ किलोमिटर तटबन्ध हुँदा हालसम्म १४.८३ किलोमिटर क्षेत्रमा बाँध निर्माण भएर खेत तथा बस्ती जोगाउन मद्धत पुगेको छ । जसका लागि १ अर्ब ७७ करोड ११.९१ लाखको लागतमा हालसम्म ४४ करोड ३८.९ लाख खर्च भएको छ ।

 

 

जिल्लाको सबैभन्दा ठूलो कनकाई नदीमा ५३.१ किलोमिटर तटबन्ध गर्ने योजना अनुरुप गत आर्थिक वर्षमा ३.२५५ किलोमिटर तटबन्ध हुँदा हालसम्म २७.२५ किलोमिटर काम भएको छ । जुन कुल तटबन्धको योजनामा ५१.३२ प्रतिशत कार्य प्रगति हो । ३ अर्ब ९० करोड ३४.५१ लाखको लागतमध्ये १ अर्ब १७ करोड ६४.०३ लाख रकम खर्च भएको कार्यालयले जनाएको छ ।

 

६५.९ किलोमिटर तटबन्ध गर्नुपर्ने बिरिङमा गत आर्थिक वर्षको ३.२०० किलोमिटर समेत हालसम्म २७.१ किलोमिटर काम हुँदा ४०.९९ प्रतिशत भौतिक प्रगति भएको पाइन्छ । कुल २ अर्ब ४६ करोड ५३.०९ लाख मध्ये हालसम्म ६५ करोड ८३.३१ लाख रकम खर्च भएको कार्यालयले जानकारी गराएको छ ।

 

 

पूर्वी सीमानाको मेची नदीमा ४६.९७ किलोमिटर तटबन्धको योजनामा गत वर्ष ३.०३८ किलोमिटर गरी हालसम्म १०.२८ किलोमिटर किनारामा बाँधको व्यवस्थापन गरिएको छ । जुन कुल कामको २१.८८ प्रतिशत हो । कुल तटबन्धका लागि सरकारले ५ अर्ब ५७ करोड ४२.८७ लाख रकम छुट्याएकोमा हालसम्म २२ करोड ३५.१५ लाख खर्च भएको छ ।

 

यसैगरी, आयोजनाको टार बजार संरक्षण कार्यक्रम अन्तर्गत जोखिमयुक्त सदरमुकाम बचाउ कार्यमा कुल २१.५० किलोमिटर तटबन्ध गर्नुछ । त्यसमध्ये गतवर्ष १.०७३ किलोमिटर गरी हालसम्म ५.८१ किलोमिटर तटबन्ध भइ २७.०१ प्रतिशत प्रगति हाँसिल गरेको तथ्यांक कार्यालयसँग छ । त्यसमा छुट्याइएको ९९ करोड १३ लाखमध्ये हालसम्मको अवस्थामा २४ करोड ६७.०४ लाख रकम खर्च भएको देखिन्छ ।

 

 

एशियाली विकास बैंकको सहयोगमा आयोजनाले गत आर्थिक वर्षबाट सञ्चालनमा ल्याएको ‘प्राथमिकता प्राप्त नदी बेसिन जोखिम व्यवस्थापन’मा तोकिएको रतुवा र मावाको तटबन्ध ११.८१ किलोमिटर हो । जसमध्ये चालु आर्थिक वर्षमा ९३ प्रतिशत काम सम्पन्न भएको छ ।

 

 

जनताको तटबन्धबाट सुरुङ्गा, घाग्रा, भुतेनी, देउनिया र अदुवा खोलाबाट शहरी क्षेत्र जोगाउने कार्यमा २ करोड ९८.६४ लाख रकमको लागतमा गत आर्थिक वर्ष भद्रपुर सहितमा १.०८६ किलोमिटर तटबन्ध गरेर जोखिमयुक्त ठाउँमा जोखिम कम गराउने प्रयास भएको देखिन्छ ।

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

चुनावी हारबाट निराश नहुन कार्यकर्तालाई विद्या भण्डारीको आग्रह

काठमाडौँ,३ मंसिर । नेकपा (एमाले) की वरिष्ठ नेता विद्यादेवी भण्डारीले एउटा निर्वाचनमा पराजय व्यहोर्दैमा निरुत्साहित नहुन पार्टी कार्यकर्तालाई आग्रह गर्नु भएको छ । राष्ट्रिय भेलाको

सरकारबाट अपदस्त गरेदेखि नै एमालेमाथि प्रहार सुरु भएको हो : ओली

काठमाडौं,३ मंसिर । नेकपा (एमाले)का अध्यक्ष केपी शर्मा ओलीले पार्टीको पछिल्लो धक्का निर्वाचन परिणामले मात्र नभई निर्वाचनपूर्वको सरकारबाट अपदस्त गरि सुरु भएको बताँउनु भएको छ।

एपेक सम्मेलनमा ट्रम्प, सी र पुटिनबीच ऐतिहासिक त्रिपक्षीय भेटवार्ता हुँदै

काठमाडौं ,३ मंसिर। अमेरिकी राष्ट्रपति डोनाल्ड ट्रम्प चीनको शेन्जेनमा आयोजित ३३औं एसिया प्रशान्त आर्थिक सहयोग (एपेक) अर्थतन्त्रका नेताहरूको बैठकमा सहभागी हुनु भएको छ । बिहीबार

प्रधानमन्त्री बालेनको भारत भ्रमणबाटरे झापा ५ बासीको सन्देश कस्तो?

दमक, ३ मंसीर । यो झापा ५ हो । यहीबाट झापा ५ बासीले बालेन्द्र शाहलाई अत्याधीक मत दिए र देशभरको मत परिणामपछि शाह प्रधानमन्त्री समेत

दोस्रो झापा महिला गोल्डकपको खेल तालिका सार्वजनिक, उद्घाटन खेलमा झापा ११ र पोखरा खेल्ने

बिर्तामोड, मंसिर ३ । एक्स्ट्रिम दोस्रो झापा महिला गोल्डकप २०८३ अन्तर्राष्ट्रिय आमन्त्रण नकआउट फुटबल प्रतियोगिताको खेल तालिका सार्वजनिक भएको छ । यही मंसिर ५ गतेदेखि

अस्ट्रेलियामा आप्रवासीको स्थायी अभिभावक भिसा बन्द गर्ने वान नेसनको प्रस्ताव

क्यान्बेरा ,३ मंसिर। अस्ट्रेलियाको आप्रवासन नीतिलाई थप कडा बनाउने प्रस्तावसहित दक्षिणपन्थी राजनीतिक दल वान नेसनले आप्रवासीका अभिभावकलाई दिइँदै आएको स्थायी भिसा कार्यक्रम बन्द गर्ने घोषणा

साढे ३ लाख नेपालीलाई ४ कर्मचारीको भर, जापान दूतावासको बेरुजु २ करोड

जापान,३ मंसिर । जापानस्थित नेपाली दूतावासमा वर्षौंदेखि कायम करिब दुई करोड रुपैयाँ बेरुजु, त्यसको कारण तथा फछ्र्योटको अवस्थासँगै बढ्दो नेपाली जनसंख्याको अनुपातमा कूटनीतिक जनशक्ति पर्याप्त