दमक, असोज २८
झापामा एक व्यक्तिले आफ्नै श्रीमतीलाई धारिलो हतियारको प्रयोग गरी श्रीमतीको हत्या गरेका छन् ।
आज दिउँसो ३ बजेर ५० मिनेटमा अर्जुनधारा नगरपालिका वडा नं ३ दार्जीलीङ डाँडागाउँका वीर बहादुर चौहानले आफ्नी ३७ वर्षीया श्रीमती मुना चौहानको हत्या गरेको झापा प्रहरीले जनाएको छ ।
घटना छिमेकीको घर भरत कुमालको आगनमा भएको थियो । श्रीमतीको हत्या गरी फरार भएका चौहानलाई प्रहरीले पक्राउ समेत गरेको छ ।
वीरबहादुरलाई जुकेखाडी स्थित जंगलमा लुकिछिपी रहेको अवस्थामा पक्राउ गरिएको प्रहरीले जनाएको छ ।
श्रीमतीको शवलाई पोस्टमार्टमकालागि पठाइएको छ भने घटनाको कारणबारे प्रहरीले अनुसन्धान गरिरहेको जनाइएको छ ।
