पथरी, मंसिर २४
लैंगिक हिंसा विरुद्धको १६ दिने अभियान अन्तर्गत मोरङको पथरी शनिश्चरे नगरपालिकाबाट नगरका विभिन्न ४ स्थानमा कचहरी नाटक प्रदर्शनको कार्यक्रम अघि बढेको छ ।
‘हामी सबैको प्रतिबद्धताः लैगिक हिंसा अन्त्यको लागि ऐक्यबद्धता’ भन्ने राष्ट्रिय नाराका साथ शब्द थिएटर पथरी शनिश्चरेकोे प्रस्तुतिको नाटकमा शब्द थिएटर र दमकस्थित कदम थिएटरका कलाकारहरुको सहभागिता रहेको छ ।
पहिलो दिन शनिश्चरे चोक, दोस्रोे दिन बुद्धचौक र सोमबार तेस्रो दिन हसन्दह बजारमा नाटक प्रदर्शन भएकोे शब्द थिएटरका निर्देशक जीवन बरालले जनाउनु भयो ।
मंगलबार अन्तिम दिन वडा नम्बर ३ को आइतबारेमा सो नाटक प्रदर्शन हुनेछ । नाटकलार्ई कदम थिएटरका कला निर्देशक सिजन दाहालले निर्देशन गर्नुभएको छ ।
नाटकमा सुमन कुइकेल, पुजन खरेल, सुवासचन्द्र खरेल, पारुमा राई, रोशन मुर्मु, प्रविन भण्डारी, आयुश खतिवडा, बुङ्छेङले लगायतले जीवन्त अभिनय गर्नुभएको छ ।
