दमक, पुस २२
इजरायलको गाजा क्षेत्रमा आक्रमण जारीराखेको हमासले युद्धविराम सम्झौता अन्तर्गत पहिलो चरणमा ३४ बन्धकलाई रिहा गर्न सहमत भएको छ ।
इजरायलले गाजा पट्टीमा आक्रमण बढाएको बेला फेरि युद्धविरामको विषयमा वार्ता सुरु गर्ने घोषणा अनुरुप बन्धक रिहाको विषय हमासले अघि सारेको हो । हमासका एक वरिष्ठ अधिकारीले समाचार संस्था बीबीसीसँग कुरा गर्दै ३४ बन्धकहरूको सूची बाहिर ल्याउँदै उनीहरुलाई रिहा गरिने उल्लेख गरेका हुन् ।
यीमध्ये कतिजना बन्धकहरू जीवित छन् भन्ने अझै स्पष्ट भइसकेको छैन ।
सूचीमा रहेका नामहरूमा १० जना महिलासहित छन् । उनीहरुलाई हमासले इजरायली हवाई आक्रमणमा मारिएको दाबी गरेको थियो । यद्यपि इजरायली प्रधानमन्त्री बेन्जामिन नेतन्याहुको कार्यालयले हमासले बन्धकहरूको सूची अझै उपलब्ध नगरेको बताएको छ ।
आइतबार गाजामा कार्यरत स्वास्थ्य एजेन्सीले विगत २४ घण्टामा भएको आक्रमणमा ८८ जनाको मृत्यु भएको बताएको छ । इजरायली सेनाले गाजापट्टीमा गत दुई दिनमा १०० भन्दा बढी ‘आतंकवादी लक्ष्यहरू’ मा आक्रमण गरेको र ‘दर्जनौं मारिएको’ बताएको छ ।
