एजेन्सी, माघ १४
उत्तरी गाजामा मानिसहरूलाई आफ्नो घर फर्कन अनुमति दिने बदलामा हमासले छ जना इजरायली बन्धकहरूलाई रिहा गर्ने भएको छ ।
इजरायलका प्रधानमन्त्री बेन्जामिन नेतान्याहुले उत्तरी गाजाका मानिसहरूलाई सोमबारदेखि आफ्नो घर फर्कन अनुमति दिइने बताएपछि हमासले यस हप्ता थप छ जना इजरायली बन्धकहरूलाई रिहा गर्ने भएको हो ।
आम नागरिकको रिहाइ नहुँदा इजरायलले उत्तरी गाजाका मानिसहरूलाई आफ्नो घर फर्कन अनुमति दिएको छैन । हमासले शनिबार चार जना बन्धकहरूलाई रिहा गरेको थियो ।
इजरायलले हमासमाथि युद्धविराम सम्झौताका सर्तहरू उल्लङ्घन गरेको आरोप लगाएको थियो । सम्झौता अनुसार पहिले इजरायली नागरिकलाई रिहा गर्नु पर्ने थियो ।
