दमक, माघ १८
गुणस्तरीय शिक्षामा अगाडि रहेको झापाको दमक ६ मा अवस्थित ग्लोबल एजुकेशनल एकाडेमीले दमक नगरस्तरीय ‘ग्लोबल कप खुला बुद्धिचाल प्रतियोगिता’ सम्पन्न गरेको छ ।
विद्यार्थीलाई औपचारिक पढाईसँगसँगै थप सृजनशील बनाउने योजनामा सिनियर, जुनियर र छात्राका गरी ३ प्रकारका खेलहरु सञ्चालन भएको विद्यालयका शिक्षक घनश्याम पथिकले जनाउनु भयो ।
नगरका १ दर्जन बढी विद्यालय सहभागि २ दिने प्रतियोगितामा सिनियरतर्फ ग्लोबलका श्रीयन्स चौलागाईं पहिलो, ग्लोबलकै महेश दवाडी दोस्रो र सूर्योदयका चिरायू भट्टराईले तेस्रो स्थान हाँसिल गर्नुभयो ।
जुनियरतर्फ इस्टर्न स्टारका दर्शन पाठक पहिलो, प्रजिता एजुकेशनल एकाडेमीका निसुङहाङ राई दोस्रो र हिमालय माविका प्रसन राई तेस्रो हुनुभयो ।
छात्रातर्फको प्रतियोगितामा ग्लोबलकै प्रविशा दवाडी पहिलो, सोही विद्यालयकी अनुज्ञा ढुंगाना दोस्रो र अक्सफोर्डकी प्रतिमा बास्कोटाले तेस्रो स्थान सुरक्षित गर्नुभयो ।
समापन समारोहमा पुरस्कृत विद्यार्थीहरुलाई कार्यक्रमका प्रमुख अतिथि दमक नगर प्रमुख रामकुमार थापा, विद्यालयका प्रिन्सिपल गुणराज अधिकिारीसहितले ट्रफी, मेडल र प्रमाणपत्र वितरण गर्नुभयो ।
प्रतियोगितामा सिनियरतर्फ २४, जुनियरतर्फ २७ र छात्रातर्फ ७ जना सहभागि थिए ।
