दमक, २९ चैत / नेकपा एमाले कोशी प्रदेश कमिटीले आयोजना भोलि दमकमा हुने बृहत जनप्रदर्शन र जागरणसभाको प्रचार प्रसार स्वरुप शुक्रबार मोटरसाइकल र्याली निकालिएको छ ।
दमकबाट सुरु र्याली झापा निर्वाचन क्षेत्र नम्बर ५ भरी सञ्चालन गरिएको छ । अहिले सरकारको कामको सवाल भन्दा पनि लोकतान्त्रिक गणतन्त्रको रक्षाको जनताको सवालमा एमाले जागरणसभामा उत्रिनु परेको पार्टीका स्थायी कमिटी सदस्य एवम् प्रदेश इञ्चार्ज शेरधन राईले जनाउनु भएको छ ।
जनताको बलिदानबाट आएको संघीय लोकतान्त्रिक गणतन्त्रलाई प्रहार गर्ने प्रतिगमनका गतिविधिहरुबाट जनता सचेत रहने सन्देशकालागि भन्दै आयोजना गरिएको सभामा एमाले अध्यक्ष एवम् प्रधानमन्त्री केपी शर्मा ओलीले सम्बोधन गर्ने कार्यक्रम छ । पशुहाटमा हुने सभामा १ लाख मानिस उतार्ने एमालेको योजना छ ।
