दमक । बैशाख २५ – दमक नगरपालिका खेलकुद विकास समितिले आयोजना गरेको खेलकुद महोत्सव अन्तर्गत क्रिकेट प्रतियोगीतामा आज तिनवटा खेलहरु सम्पन्न भएका छन् । आज सम्पन्न खेलहरुमा वडा नम्बर ६, वडा नम्बर ७ र वडा नम्बर ५ बिजयी भएका छन् ।
वडा नम्बर ६ ले वडा नम्बर ४ लाई १ सय ४७ रनले पराजित गर्यो भने वडा नम्बर ७ ले वडा नम्बर १० लाई ६ विकेटले पराजित गरेको हो ।
यस्तै, आजै सम्पन्न अन्तिम खेलमा वडा नम्बर ५ ले वडा नम्बर २ लाई २ सय रनले पराजित गरेको क्रिकेट प्रतियोगिताका संयोजक अभिष खनालले जानकारी दिनुभयो । यस्तै महोत्सब अन्तर्गत आज फुटवल खेलपनि सुरु भएको छ ।
महोत्सवको औपचारिक उद्धघाटन भने २७ गते हुने छ । यसमा विभिन्न ७ वटा विधाका खेलहरुमा प्रतिष्पर्धा हुने छ । महोत्सवमा दमक नगर भित्रका १० वटै वडाबाट सबै विधाका खेलाडीहरुले सहभागिता जनाउने छन् ।
दमकमा सबै खेलका खेलाडीहरुको टिम तयार गर्न यस खाले महोत्सवको आयोजना गरिएको महोत्सव संयोजक तारा अधिकारीले जानकारी दिनुभयो ।
