दमक, १०, बैशाख – झापाको दमकमा युनि क्याम्पस ग्लोबलको शाखा कार्यालय उद्घाटन गरिएको छ । दमकस्थित दमक मलको दोश्रो तलामा कार्यालय रहेको युनि क्याम्पस ग्लोबलको दमक शाखा कार्यालयको शुक्रबार एक कार्यक्रमका बिच उद्घाटन गरिएको हो ।
दमक नगरपालिका शिक्षा समितिका संयोजक तथा दमक नगरपालिका वडा नम्बर ९ का वडाध्यक्ष कुबेर प्रसाद भट्टराईको प्रमुख आतिथ्यतामा भएको उद्घाटन कार्यक्रममा प्रमुख अतिथी भट्टराईले आज भोलि अध्ययनका लागि बिदेशतिरै ईच्छा देखाउनेहरुको संख्या बढ्दै गएका बेला त्यस्ता बिद्यार्थीहरुलाई सहजीकरण गर्नका लागि खुलेका यस्ता संस्थाहरुले काठमाण्डौंको सेवापनि स्थानीय शहरमै आउन थालेको भन्दै खुसी ब्यक्त गर्नुभयो ।
उहाले युनिक्याम्पस ग्लोबलको दमक शाखाले केहिलाई रोजगारीपनि प्रदान गरेको भन्दै विश्व प्रतिष्पर्धामा नेपाली युवा युवतीहरुपनि सक्षम छन् भन्ने उदाहरणपनि रहेको उल्लेख गर्नुभयो ।
यस्तै, उद्घाटन कार्यक्रमका अतिथि नेपाल उद्योग वाणिज्य महासंघका केन्द्रिय सदस्य गोकुल श्रेष्ठले राजनीति प्रति बढ्दै गएको बितृष्णाले धेरैले देश छाड्ने सोच बनाएको भएपनि उता सिकेको सिप स्वदेश फर्किएर लागू गर्न सुझाव दिनुभयो । २४ बर्ष पुरानो शैक्षिक परामर्श केन्द्रका रुपमा स्थापित युनिक्याम्पस ग्लोबलको दमकमा खुलेको शाखा उपत्यका बाहिर छैंठौं रहेको युनिक्याम्पस ग्लोबल केन्द्रिय कार्यालयका सिनियर म्यानेजर केदार कोईरालाको भनाइ छ ।
आफुहरुले बिगतदेखीनै यस संस्था मार्फत बिशेष गरि अष्ट्रेलिया जाने ईच्छुक बिद्यार्थीहरुलाई सहजीकरण र शैक्षिक परमर्शको काम गरिरहेको उहाको भनाइ छ । यसैबिच, युनिक्याम्पस ग्लोबलको दमक शाखा उद्घाटनको अवसर पारेर सञ्चारकर्मी भूमिराज पराजुलीलाई नगद ५ हजार रुपैया सहितको ज्योती शिक्षा पत्रकारिता पुरस्कार प्रदान गरेको छ ।
कार्यक्रममा युनिक्याम्पस ग्लोबलका केन्द्रिय कार्यालयबाट आउनुभएका ब्रान्च कोअर्डिनेटर कृष्ण न्यौपाने, दमक उद्योग वाणिज्य संघका अध्यक्ष गोपाल गुरागाई, शैक्षिक ब्याक्तीत्वहरु, प्रबिण चाम्लिङ, बिरेन्द्र बस्नेत, दिपेन्द्र पौडेल, दिपक न्यौपाने लगायतको उपस्थिती रहेको थियो ।
उद्घाटन कार्यक्रममा शैक्षिक ब्याक्तीत्व समेत रहनुभएका समाजसेवी झप्ट बहादुर पौडेल र मात्रिका प्रसाद दाहालकोपनि सहभागिता रहेको थियो । युनिक्याम्पस ग्लोबलका दमक ब्राञ्च म्यानेजर केदार बाबु पौडेलको अध्यक्षतामा कार्यक्रम सम्पन्न भएको थियो । यस्तै, उद्घाटनकै अवशर पारेर युनिक्याम्पस ग्लोबल दमक शाखाले बिद्यार्थीहरुलाई बिभिन्न छुट सुबिधा उपलब्ध गराईएको ब्राञ्च म्यानेजर पौडेलले जानकारी गराउनुभएको छ ।
