दमक, २५ असार । वर्षासंगै परेको चट्याङले लागेर घाइते भएका ताप्लेजुङ सदिङ्वा – ३ थुङरुङ्वा बस्ने ३५ वर्षीय राजकुमार लिम्बू (देवान) को मृत्यु भएको छ ।
हिजो साँझ आफ्नै घरमा बसिरहेको अबस्थामा पानीसंगै परेको चट्याङले लागेर उनी घाइते भएका थिए ।घाइतेलाई प्रहरी र स्थानीयको सहयोगमा साब्लाखु स्वास्थ्य चौकीमा ल्याई सामान्य उपचारपश्चात् थप उपचारको लागि जिल्ला अस्पताल ताप्लेजुङतर्फ पठाइएको थियो । उपचारका क्रममा उनको मृत्यु भएको प्रहरीले बताएको छ ।
त्यस्तै सोही पालिकाको वडा नं ५ लिम्बुदिन बस्ने १७ वर्षिय मिसन लिम्बू पनि चट्याङले लागेर घाइते भएका छन् । मेघगर्जन सुरु भएसंगै घरमा बिजुली लाइनको एमसीपी झार्ने क्रममा लिम्बूलाई चट्याङ लागेको प्रहरीको बताएको छ । लिम्बूको अनुहार र जिउमा चोट लागेको जिल्ला प्रहरी कार्यालय ताप्लेजुङका प्रहरी निरीक्षक विवेक बस्नेतले जानकारी दिनु भयो । उनको साब्लाखु स्वास्थ्य चौकीमा उपचार भइरहेको परिवारले बताएका छन् ।
