पथरी, २९ असार / मोरङको पथरी शनिश्चरे नगरपालिकाका प्रमुख प्रमुख मोहनप्रसाद तुम्वापोले सार्वजनिक व्यायामशालाको उद्घाटन गर्नुभएको छ ।
पथरी शनिश्चरे नगरपालिका वडा नम्बर २ को लगानीमा सुन्दर सामुदायिक वन क्षेत्र स्वागत टोलमा सार्वजानिक व्यायामशालाको आइतबार उद्घाटन गरिएको हो । नगर प्रमुख तुम्वापोले रिबन काट्दै कम्मर मर्काउने व्यायाम गरेर सो व्यायामशालाको उद्घाटन गर्नुभएको थियो । वडा कार्यालयले युवा, बालबालिका तथा जेष्ठ नागरिकहरूको शारीरिक तन्दुरुस्तीका लागि व्यायामशालाको निर्माण गरिएको वडाध्यक्ष नैना राईले जानकारी दिनुभयो ।
यसैगरी व्यायमशाला उद्घाटन पश्चात् रातो शीरिष, कल्की, निलो शीरिष र धुपी जस्ता विभिन्न प्रजातिका रंगीन फूलहरूको विरुवा रोप्नुका साथै सिँचाइ र आवत जावत सहज गर्नका लागि ह्युमपाइप लगाउने कार्य गरिएको थियो । सो कार्यक्रममा सुन्दर सामुदायिक वन उपभोक्ता समितिका पदाधिकारीहरु तथा वडाका वडा सदस्य चन्द्रकुमार राई, सीता भुसाल लगायतको उपस्थिति रहेको थियो ।
