दमक,२९ असार । झापाको दमक–३ स्थित मदनडाँगी–ताराबारी सडकखण्डमा भएको सवारी दुर्घटनामा एक महिलाको मृत्यु भएको छ भने अर्की गम्भीर घाइते भएकी छन्।
आज बिहान मे १ ख २८८४ नम्बरको टिप्परले विपरीत दिशाबाट आउँदै गरेको मे ११ प ५४५३ नम्बरको स्कुटरलाई ठक्कर दिएको थियो। दुर्घटनामा स्कुटरमा सवार ५६ वर्षीया लक्ष्मी गौतमको घटनास्थलमै मृत्यु भएको इलाका प्रहरी कार्यालय दमकले जनाएको छ।
स्कुटर चालक ४४ वर्षीया टिका गौतम गम्भीर घाइते भएकी छन्। उनलाई तत्कालै उपचारका लागि स्थानीय अस्पतालमा भर्ना गरिएको छ।
टिप्पर चालकलाई प्रहरीले नियन्त्रणमा लिई इलाका प्रहरी कार्यालय दमकमा राखिएको छ। दुर्घटनापछि आक्रोशित स्थानिय बासिन्दाले सडक अवरोध गरेका छन्।
