दमक/
कोरोनाको तेस्रो लहर सुरु भएपछि सबैभन्दा पहिला चलचित्र हललाई प्रतिबन्ध लगाइयो । मनोरञ्जनको क्षेत्र र सर्वसाधरणको भीड बढि हुने सरकारको बुझाईका कारण कोरोना महामारीको समयमा सबैभन्दा पहिला चलचित्र हलहरु पर्ने गरेका छन् । गत माग १ गते देखी बन्द भएका हलहरु सरकारले औपचिारिक रुपमा फागुन १ अर्थात आईतबारदेखी खुल्ला गरायो ।
हल त खुल्यो । तर नयाँ रिलीज भएका चलचित्र कुनैपनि छैनन् । नयाँ चलचित्र सुटिङ नै हुन नसकेका कारण पनि हलहरुले कुन चलचित्र देखाउने भन्ने दुविधिमा छन् ।
नेपाल चलचित्र सघं पुर्वाञ्चल का अध्यक्ष चैतन्य बराललका अनुसार यस अघि हल खुल्लै रहेको बेलामा नेपाली चलचीत्र चपली हाईट ३ प्रदर्शनमा थियो । यो चलचित्र प्रदर्शन सुरु भएको ३ दिनमै हल बन्द भएका थीए । अव अहिले हल खुल्ने भएपछि यही चलचित्र नै प्रदर्शन गरिने छ । साथै केहि हलहरुमा साउथ इन्डियन मुभि खिलाडी पनि प्रदर्शन हुने छ ।
दमकमा अहिले २ वटा हलरु सञ्चालनमा छन् । पाथीभरा सिनेमा हलमा चपली हाईट ३ प्रर्दशन हुने र डि म्याक्स सिनेमा घरमा चपली हाईट ३ का साथै साउथ इण्डियन मुभी खिलाडी पनि प्रर्दशन हुने बताइएको छ ।
एक महिना हलहरु बन्द हुँदा प्रदेश १ मा मात्र झण्डै २ करोड नोक्सान भएको बरालले बताउनु भयो । यहाँ करिव २० वटा हलहरु छन् । सबै हल बन्द हुँदा २ करोड भन्दा पनि बढि नोक्सान भएको उहाँले बताउनु भयो ।
