दमक, २७ साउन । दमक–१० सानोबारहघरेमा रहेको प्रसिद्ध पर्यटकीय स्थल इन्द्रेणी ताल आफ्नो प्राकृतिक सुन्दरताका कारण यहाँ आउने दर्शकहरूको मन जित्दै आएको छ। यो ताललाई वरिपरि हरियालीले घेरिएको र शान्त वातावरणले भरिपूर्ण छ, जसले गर्दा स्थानीय तथा बाह्य पर्यटकलाई मनोरञ्जन र विश्रामको आनन्द दिदै आएको छ ।
अहिले इन्द्रेनि तालको संरक्षणमा ध्यान दिइँदै र यस क्षेत्रको विकासका लागि विभिन्न पहलहरू भइरहेको छ । पर्यटकहरूले यहाँ पानीको सौन्दर्य र प्रकृतिसँग नजिक हुन सक्ने अवसर पाइरहेका छन् । दमकमै यति राम्रो र्पयटकीय ठाँउ छ तर अझै पनि यसको पर्याप्त प्रचारनै हुन सकेको छैन ।
दमक ९ का पुष्प उपरकोटी दमक १० मा रहेको इन्द्रेणी तालमा घुमीरहेको अवस्थामा भेटिनु भयो । फोटो खिच्दै, साना भिडियो बनाउँदै इन्द्रेणी तालको सुन्दरतालाई आफ्नो मोवाईलमा कैद गरिरहनु भएको थियो । पहिला काँसघारी र आउनै डर लाग्ने यो ताल अहिले यती आकर्षक बनेको छ भन्ने उहाँलाई थाहै थीएन । यहाँ आउँदा निकै आनन्द भएको उहाँले आफ्नो अनुभव सुनाउनु भयो ।
तालमा अहिले सातै रङ्ग देखिने इन्द्रेणीको आकारको पुल बनाइएको छ । लकीङ टायल लगाएर आकर्षक फूलको बगैचा बनाइएको । आधुनीक फलैँचाले यहाँ घुम्न जानेहरुले आराम गर्न पाएका छन । वरीपरिको हरियाली वातावरण र चराचुरीङ्गीको चिरचिरले यहाँको वातावरण थप मनमहोक बनाइरहेको छ । यस्ता संरचना र सुन्दरता तालले बढाइरहेको छ । जसले गर्दा पर्यटकहरु आउने क्रम बढ्न थालेको तालको छेवैमा रेष्टुरेण्ड सञ्चालन गरिरहनु भएका सबिन तामाङ ।
मोटरबाट पानी तानेर पानी भरिएको हैन । यो प्राकृतीक पानी हो । यहाँ आफै पानी उम्रन्छ । तर पछिल्लो समय मानव अतिक्रमणमा पो पर्ने हो कि भन्ने चिन्ता चाहि यहाँका स्थानीयबासी छन् । त्यसैले यसको संरक्षण गर्दै यहाँ आवश्यक पर्ने अन्य संरचना निर्माण गर्न आवश्यक रहेको स्थानीयबासी रुद्र प्रसाद दाहालले बताउनु भयो ।
अहिले कृतिम संरचना भएका पर्यटकीय ठाउँमा मानीसहरु घुम्न भनेर गइरहेका छन् । तर यो त प्राकृतीक ठाउँ हो । तर यहाँ ताल मात्रै हेर्न आउने भन्दा पनि तालसगसगै हेर्न र आनन्द लिन सक्ने गरिका अन्य संरचनाको पनि विकास गर्न आवश्यक रहेको दमक १० स्थानीय अगुवा डिल्ली न्यौपानेको भनाई छ । यसमा यसको समिती, स्थानीयबासी, स्थानीय सरकार समेत एकै ठाउँ भएर लाग्न उहाँले सुझाव दिनु भएको छ ।
यहाँ सहजै पुग्ने बाटो बनेको छ । त्यो पनि कालोपत्रेनै छ । तर यहाँ पर्याप्त सरसफाई नभएको र सुरक्षाको अभाव हुने भन्दै पर्यटकहरु पुग्न आनाकानी गर्दथे । थर अहिले यसको रुप फेरीएको छ । नियमीत सरसफाई हुने गरेको छ । असम्बन्धीत र अरुलाइ हानी पुर्याउने गरिका समुहहरुको नियन्त्रण गरिएको छ । अहिले शान्त र सुन्दर बनाउने अभियान चलाइरहेकोले पर्यटकहरुको संख्या बृद्धि हुन सक्ने अपेक्षा राख्नु हुन्छ यस इन्द्रणी ताल व्यवस्थापन समितीका सदस्य प्रविण खरेल ।
प्रकृतिलाई प्रेम गर्ने, पर्यावरणको स्पर्ष चाहने र एकान्तमा रमाउनेकालागी इन्द्रेणी ताल उपयूक्त गन्तव्य बन्न सक्छ । तर यसमो महत्व र विषेशतालाई प्रभावकारी प्रचार गर्न भने आवश्यक छ ।
