दमक,८ भदौ । दमक २ मा रहेको सनराईज इङलीस बोर्डीङ स्कुलले स्काउट क्याम्प सुरु गरेको छ । यहाँ रहेका स्काउटमा आवद्ध रहेका विद्यार्थीहरुलेनै व्यवस्थापन गरेर सो क्याम्प सञ्चालन गरिरहेका छन् । शुक्रबारबाट सुरु भएको क्याम्पस शनिबार सम्म सञ्चालन भएको छ ।
यो क्याम्पमा कोशी प्रदेशका बिभिन्न स्थानमा रहेका ८ वटा विद्यालयका स्काउट विद्यार्थीहरु सहभागी छन् । विद्यार्थीहरुले यहाँ आफ्नो कला, क्षमता प्रर्दशन गर्नेछन् । आफ्नालागी आवश्यकीय सामाग्री आफै बनाउने, आफै खाना पकाउने, खाने, आउनेहरुलाई खुवाउने, केहि जोखीम अवस्थामा कसरी त्यसमा सहायताको काम गर्ने लगातका कामहरुको प्रस्तुतीकरण समेत गर्ने छन् । स्कुलको प्रन्सिपल नवराज भुर्तेलले विद्यार्थीमा अनुशाषन, आत्मनीर्भरता र सिर्जनाशिलता बढाउन यो कार्यक्रमको संयोजन गरिएको जानकारी दिनुभयो ।
सानैदेखी निडर बन्न सिकाउनकालागी स्काउट महत्वपूर्ण प्लेटफर्म बनिरहेको छ । विपत्तका बेलामा कसरी सहायता गर्ने ? वा सहायताको भावनाको जागृत कसरी गराउन सकिन्छ लगायत बारेमा स्काउटमा लाग्नेहरुले सिक्न सक्ने स्काउट नेपाल कोशी प्रदेशका अध्यक्ष किरण बुढाथोकीले बताउनु भयो ।
सामाजीक मान मर्यादा के हो ? जीवनमा आउने कठिन परिस्थितीको सामना कसरी गर्नु पर्छ ? समुहको शक्ति र एक्लै हुँदाको काम गर्न सक्ने अठोट कसरी बढाउन सकिन्छ ? यी सबै कुरा स्काउटबाटै सिक्न सकिने भएकोले यो कार्यक्रम निकै महत्वपूर्ण हुने कार्यक्रमकी प्रमुख अतिथी समेत रहनुभएकी उप प्रमुख रेगिना भट्टराई प्रसाईले बतउनु भयो ।
कार्यक्रममा विद्यार्थीलाई स्काउटको उद्देश्य, नियम र सामाजिक सेवामा यसको भूमिकाबारे जानकारी दिनुका साथै यस्तो कार्यक्रमले विद्यार्थीमा नेतृत्व क्षमता, सहयोगी भावना र सामाजिक उत्तरदायित्व विकसित गराउने रहेको विद्यालयले जनाएको छ ।
