दमक, १६ भदौ । दमक शहरमा पछिल्लो समय रात्रीकालीन होटल र रेष्टुरेन्ट व्यवसायले गति लिएको छ । स्थानीय व्यवसायीहरूले शहरको व्यस्त सडक क्षेत्रमा विभिन्न रेस्टुरेन्ट र बार सञ्चालन गर्दै आएका छन् । रातको समयमा खानपान र मनोरञ्जन दुवैको सुविधा पाउन रात्रीकालिन होटल र रेष्टुरेन्टमा आँउने गर्द छन् ।
व्यावसाय रात्रीकालीन भएकोले ग्राहाकहरु राती मात्र आँउछन् तर प्रशासनले १० बजे देखी चलाँउन दिदैन । १० बजे पछाडि सटर बन्द गराउँदै प्रहरी सिटि फुक्दै आउँछन ।
रात्रीकालिन व्यावसायमा लगानी गर्नेहरुको गुनासो छ यसखालको व्यवसयामा प्रशाषनले सुरक्षा दिन नसक्नु कमजोरीपना हो । दमक चोकमा पलेटी रेष्टुरेन्ट एण्ड दोहोरी खाजा घरका सञ्चालक केदार सिवाकोटीले दमकलाई र्पयटन क्षेत्रमा समेत विकास गरिने भनेर भाषण गरिन्छ । तर त्यसलाई व्यवहारमा उतार्न हामीले लगानी गर्दा हामी माथी नै प्रशाषनको प्रहार हुन्छ । यस्तो अवस्थामा कसरी व्यापार गर्नु ? उहाँले प्रश्न गर्नु भयो । सुरक्षा दिएर यसखाले व्यवसाय चलायमान बनाइदिन उहाँले माग गर्नु भएको छ ।
दिनभरको कामले थकान भएको शरिर । काम सकेर एक छिन कुनै रेष्टुरेण्टमा गएर बसौ न भनौ होटल तथा रेष्टुरेण्डमा सिटि बजाउँदै प्रहरी आइपुग्ने । अनी कहि टाढाबाट दमक आइपुग्ने पाहुना । कोहि पाहुनाहरु घरमा बस्न अप्ठयारो हुने पनि हुन्छन । व्यवसायीक उद्धेश्यले आएका त्यसखालका व्यापारीलाई राती सुताउनु पर्यो भने कहाँ लैजाने ? सबै होटल १० बज्ने बित्तिकै बत्ती निभाएर सुतिसक्छन । यस्ता अनेकन समस्या दमकले झेलीरहेको छ । आधुनीक शहरको रुपमा विकास हुदै गएको यो शहरलाई रात्रीकालीन रुपमा पनि व्यवसाय सञ्चालन गर्न दिन र त्यसमा सुरक्षाको प्रत्याभूति राज्यले गर्नु पर्ने धारणा राख्नु हुन्छ दमक बजारमा द बर्गर हाउस एण्ड चिकेन क्रन्चीका सञ्चालक दीक्षीत ढकाल । उहाँले करोड हाराहारीमा लगानी गरिएका यसखाले व्यवसायले आफु कसरी सुरक्षीत भएर व्यवसाय चलाउने भन्ने सबै उपाय सोचेर गरेको भएपनि राज्य तहबाट हुने सुरक्षाका काम हुनै नसकेको बताउनु हुन्छ ।
दमकको चमक बढाउन र दमकलाई आन्तरीक पर्यटनको विकास गर्न पनि यसखाले रात्रीकालीन व्यवसाय सञ्चालन गरिन आवश्यक छ । नेपाल चेम्वर अफ कर्मस दमकका अध्यक्ष राजेन्द्र ढकालले सुरक्षाका उपाय अपनाएर र ग्राहकले पनि आफ्नो इमान्दारीतामा रहेर सेवा दिने र दिने हो भने दमकमा रात्रीकालिन व्यवसायको सम्भावना छ । बरु सबै क्षेत्रमा सम्भव नभएर कुनै निश्चित क्षेत्रलाई त्यसखालको व्यापारीक हव तोकेर गर्ने हो भने सुरक्षा व्यवस्थापन तथा व्यवसाय सञ्चानमा समेत एकरुपता आउन सक्ने सुझाव ढकालको छ ।
दमकमा रात्रीकालीन होटल–रेष्टुरेन्ट जस्ता व्यवसाय सञ्चालन गर्ने माग बढ्दो छ, जसले स्थानीय अर्थतन्त्र, रोजगारी र पर्यटनलाई टेवा दिने गर्दछ तर शान्ति–सुरक्षा, सामाजिक स्वीकार्यता र व्यवस्थापन चुनौतीपूर्ण पक्षले गर्दा सम्भावना धेरै भए पनि सफल कार्यान्वयनका लागि कानूनी साथै सुरक्षको व्यवस्था राम्रो हुँदा व्यावसाय राम्रो हुने दमकका व्यावसायको माग छ ।
