दमक, ३ कार्तिक । दमकको बजारमा अहिले फूलको कारोबार बढेको छ । किनकी यो फूलकै समय हो । फूलले सजाउने, पुजा गर्ने सबै काममा फूलको प्रयोग गरिने भएकोले फूलको प्रयोग बढेको छ । अर्थात तिहारका लागि अति आवश्यक सामाग्री मध्ये पर्छ फूल र माला। फूल पनि सयपत्री, गोदावरी र मखमलीको विशेष महत्त्व रहेको पाइन्छ। घर सजाउन देखि पूजा आराधना गर्न यी नै फूलको प्रयोग गरिन्छ । लक्ष्मी पुजाको लागि लक्ष्मी जल, फूल, तेल र उज्यालोमा बस्ने भएकाले यो बेला फूलमाला र झिलिमिली बत्तीको प्रयोग गरिन्छ। कुकुर, गाई, गोरु साथै दिदीबहिनी तथा दाजुभाइलाई फूलको माला पहि¥याउने संस्कृति रहेको छ। मखमली कहिल्यै ओइलाउँदैन, सयपत्रीको रङ्ग कहिल्यै उडेर जाँदैन भन्ने मान्यता अनुरूप भाइटिकामा यसको माला लगाउने चलन रहि आएको छ। परम्परालाई पछयाँउदै फुलको प्रयोग गर्न दमक बजारमा बेच्ने र किन्नेको भिड लागेको छ।
यही मौकालाई कमाउने अवसरको रुपमा दमकका व्यापारीले फूलको कारोबार बढाएका छन् । तर मुल्य पनि बढाएर । फूल खरिद गरिरहेको अवस्थामा भेटिनु भएकी दमककी बिना बिष्टको अनुभवमा व्यापारीले दुई तरिकाले फूल बेचिरहेका छन् । एउटा स्वदेशी फूल अर्थात नेपालकै अर्गानिक फूल भनेर महगोमा बेचिरहेका छन् । अर्को चाहि भारतबाट आएको हो भन्दै नेपाली भन्दा कम मुल्यमा बेचिरहेका छन् । उहाँका अनुसार नेपाली फूलबाट बनेको मालाको मुल्य १ सय ५० रुपैँया छ भने भारतबाट आएको फूलको त्यत्रै माला १ सय रुपैँया भन्दै व्यापारीले बेचिरहेका छन् ।
फूल नकिनौ यो फूलकै चार्ड हो । फूल किनौ मुल्य सुनीनसक्नुको छ । झापाको शिवसताक्षी स्थित शिबगञ्ज बजारबाट फूल किन्नै भनेर दमक आउनु भएका राम चौधरी बजारमा फूलको मुल्य सुनेर तर्सेको प्रतिकृया दिनु हुन्छ । पसलै पिच्छे मुल्य समेत फरक फरक रहेकोले उपभोक्तामा दुविधा मात्रै नभएर ठगीन सक्ने समेत उहाँले चिन्ता व्यक्त गर्नु भयो ।
किन महगो भएको भनेर व्यापारीलाई सोध्यो भने सामान्य जवाफ आउछ हामीले पनि महगोमा किनेका हौ । अनी अव दुई दिनमा व्यापार भएन भने सबै नष्ट हुन्छ । यसरी जोखीम मोलेर व्यापार गरिरहेकोले सुन्दा महगो जस्तो देखिएपनि पहिलाका वर्षको तुलनामा धेरै महगो नभएको दावि दमकका फूल व्यवसायी मणीलाल मण्डलको तर्क छ ।
नेपाली फूलले मात्रै बजारलाई नधान्ने देखिएको छ। विदेशी फूल आयातमा रोकले झनै कालोबजारी बढेको उपभोक्ताहरूले बताएका छन्। प्लाष्टिकको फूल बेच्न सरकारले प्रतिबन्ध लगाएको भएपनि यसको समेत कार्यान्वयन देखिदैन । उनीहरूले बजार अनुगमनको पनि खाँचो औंल्याएका छन्। फूलैफूलको पर्व भनेर चिनिने तिहार पर्वको फूल किन्ने उपभोक्ताहरूको बजारमा घुइँचो लागेको छ।
