दमक १३ कार्तिक । विवेश शर्मा भट्टराई । उहाँ नेकपा एमाले दमक नगर कमिटीको सचिवालय सदस्य र जनर्गीय संगठन संयन्त्र समितीको संयोजक हुनुहुन्छ । र यस अघी उहाँ यूवा संघ दमकको अध्यक्ष समेत हुनुहुन्थ्यो ।
अहिले उहाँकै नेतृत्वमा दमकमा एमालेले एक हजार बढिको संख्यामा मोटरसाईकल र्याली निकाल्दै छ । कार्तिक १५ गते बिहान ११ बजे दमक चोक स्थित गोर्खा डिपार्टमेण्टमा भेला भएर दमक नगर परिक्रमा गर्ने कार्यतालीका बनाइएको छ । यसबारेमा कुराकानी गर्न भट्टराई उज्यालो खवरको कार्यालयमा आउनु भयो ।
भूमिराज जी हामीले सानो सानो सोचेको मोटरसाईकल र्याली त निकै भव्य हुने भयो ’ भन्नु भयो । त्यसपछि औपचारीक रुपमा उज्यालो खवरको कार्यक्रम सत्य संवादमा उहाँसग हामीले सवाल जवाफ गर्यौ । जेन जी आन्दोलनका क्रममा सबै भन्दा बढि प्रहार एमाले पार्टि र यही पार्टिका नेता तथा कार्यकर्तामाथी प्रहार भयो । तर यस्तो बेलामा सचेत भएर सुध्रने भन्दा पनि प्रतिशोध शैलीमा प्रदर्शन भन्दै मोटरसाईकल र्याली किन आयोजना गर्नु परेको भन्दै प्रश्न गर्यौ ।
यसको जवाफ दिदैै भट्टराईले भन्नुभयो ‘जेन जी आन्दोलनपछि आम नागरिकमा डर र त्रास बढेको छ । राज्य भएको महसुस गर्न सकिएको छैन । प्रहरी र प्रशाषनलाई कमजोर बनाइएको छ । लुटिएका हतियार अझै फिर्ता गराउन नसक्नु र प्रहरीलाई एउटा लौरो समेत दिएर आत्मबल बढाउन नसक्नु अहिलेको सरकारको कमजोरी हो ।
यस्तो बेलामा नागरिकमा गरिरहेको आत्मबललाई बजबुद बनाउन हामीले मोटरसाईकल र्याली गरेका हौ । ’ अनी यसले नागरिकमा सुरक्षाको प्रत्याभूति बढ्न सक्छ कि झन मुठभेड हुने सम्भावनाले अझ सुरक्षा चुनौती बढाउँछ भनेर प्रतिप्रश्न गयौै । त्यसपछि उहाँले के भन्नुभयो ? हेरौ तलको सत्य संवादको भिडियो ।
