दमक, १९ कात्तिक । झापाको दमक नगरपालिका–६ मामाचोकमा आज बुधबार बिहान स्कूल बस र मोटरसाइकल एक आपसमा ठोक्किँदा दुई जना घाइते भएको प्रहरीले जनाएको छ ।
सेन्कु पब्लिक स्कुलको को १ ख २३०१ नं को बसले बिहान ९ बजेतिर मे.१०प ३६३२ नं को मोटरसाइकललाई ठक्कर दिँदा मोटरसाइकल चालक दमक–२ का २३ वर्षीय विनोद धिमाल गम्भीर घाइते भएका छन्। उनको टाउको र अनुहारमा चोट लागेको छ भने उनलाई सामान्य उपचारपछि थप उपचारका लागि नोबेल अस्पताल, विराटनगर रेफर गरिएको दमक प्रहरीले बताएको छ।
त्यस्तै मोटरसाइकलमा पछाडि सवार दमक–१ का २० वर्षीय सरोज तामाङलाई सामान्य चोट लागेको छ ।
