दमक, १४ मंसिर । पहिलो संविधानसभाको चुनाव बाहेक झापाको क्षेत्र नं ५ को संसदीय चुनाव एमालेका लागी लाल किल्ला नै हो । लाल किल्ला पनि यती कि देशभरको मतपरिणाममा सबैभन्दा सर्वाधीक मत परिणाम ल्याएर केपि शर्मा ओलीले निर्वाचन जीतिरहनु भएको छ । कुनै बेला विकासमा निकै पछि परेको यो क्षेत्र पछिल्लो दशकलाई हेर्ने हो भने विकासको रोल मोडलको रुपमा स्थापीत हुन थालेको छ । यो क्षेत्रमा स्मार्ट सिटिकालागी गौरीगञ्जमा प्रकृयागत काम सुरु भएको छ ।
देशकै नमुना कृषि गौरादहमा फस्टाएको छ प्राङ्गारीक मल उत्पादन र ब्राण्डीङमा कमल गाउँपालिकाले काम गरिरहेको छ भने व्यापारीक शहरको रुपमा दमक नगरले काम गरिरहेको छ । फूसको छानो भएकाहरुले जस्ताको छानो पाएका छन् भने घर बिहिन भएकाहरुलाई नयाा घर बनाएर पनि यहाँ राज्यको तहबाट वितरण गरिएको छ । गाउँ गाउँमा खानेपानी पुर्याउने अभियान निरन्तर चलीरहेका छन् भने हरेक पालिकामा अस्पतालहरु सञ्चालनमा छन् । कृषिलाई आधुनीकरण गर्न बिभिन्न कृषि जोनका कार्यक्रमहरु पनि सञ्चालन भइरहेका छन् । त्यसैले यस क्षेत्रका मतदाता भन्छन् यो क्षेत्रको विकास र समृद्धि आउनुमा यस क्षेत्रबाट जीतेर जाने प्रतिनिधीसभा सदस्यको महत्वपूर्ण देन छ । उहाँले त्यहि अनुसारको निती बनाउनु भयो । बनाएको नितीलाई कार्वान्वायन गर्न निर्देशन गर्नु भयो र कामबाट परिणाम प्राप्त भयो ।
स्थानीय मात्रै नभएर राष्ट्रिय स्तरमा समेत धेरै महत्वपूर्ण र राष्ट्र हित हुने काम उहाँले गर्नु भएको भन्दै गौरादह नगरपालिका वार्ड ३ कि गोमा पोखरेल भन्नु हुन्छ ‘उहाँ प्रधानमन्त्री भएकै बेला नेपालले नया नक्सा प्राप्त गर्यो र आफ्नो गुमेको जमिन प्राप्त भयो । ’ यती मात्रै नभएर उहाँ प्रधानमन्त्री भएकै बेला ढलेको धरहरा बनाएर देशलाई भुकम्प पछि पूःन निर्माण गराएर फेरी उठाउन सक्ने गरी उहाँकै नेतृत्वमा काम भएको समेत उहाँले स्मरण गर्नुभयो ।
दमक १० का कुल बहादुर कट्वाल भन्नु हुन्छ ओली प्रधानमन्त्री हुदा देशभरनै विकासमा नयाँ छलाङ आयो । त्यसका केहि बाछीटा झापा ५ मा पनि आइपुगे । जसले गर्दा यहाँ आवश्यक पर्ने ठाउँमा पुल बनेका छन् । सडक बनेका छन् । तर उहाँको संकल्प अनुसार यसै क्षेत्रमा बन्ने भनिएको औद्योगीक पार्क बन्न सकेको छैन । दमक बिजनेश कप्लेक्स बन्यो तर त्यो पूर्ण रुपमा सञ्चालनमा आउन सकेको छैन । प्रदेश स्तरको सभाहल समेत बनीसकेको छ तर त्यो सञ्चालनमा आउन सकेको छैन । यी कुराहरु सञ्चालनमा आउने हो भने अझ कामको परिणाम देखिने थियो कि भन्ने कट्वाललाई लागेको छ ।
यद्यपी विकासमा नयाँ रेखा कोर्न सक्ने र ती रेखामा हिडाउन सक्ने नेताकोका अवगुणको मात्रै पछिल्लो पुस्ताले बुझेको भन्दै यस क्षेत्रका मतदाताले दुख पनि व्यक्त गरेका छन् । गरेका काम र परिणामलाई स्विकार गर्न नसक्नेहरुले विरोध गरेको भन्दै दमक ८ का नरनाथ खरेलले आक्रोस पोख्नु भएको छ ।
जेन जी आन्दोलनबाट बनेको अन्तरीम सरकारले फागुन २१ का लागी चुनावको मिती घोषणा गरेको छ । चुनाव आउने दिन नजिकीदै गर्दा मतदाता पनि उत्साही भइरहेका छन् । काम गरेका र गर्न सक्ने योग्य उम्देवारलाई मदातान गर्न मतदाताहरु व्यग्र प्रतिक्षामा समेत रहेका छन् ।
