दमक, २४ मंसिर । लायन्स इन्टरनेशलन डिस्ट्रिक २३५ इ अन्तर्गतको लायन्स सर्भीस ग्रुपले आज दमकमा सिरक वितरण गरेको छ । दमकमा रहेका बिभिन्न क्लवहरुको समेत सहभागीतामा यहाँ रहेका १ सय ५० भन्दा बढि विप्पन्न नागरिकहरुलाई सिरक वितरण गरिएको हो । सितलहरका कारण तराईका विप्पन्नहरुको जनजीवन प्रभावीत हुने थाह पाएपछि यो पटक त्यस्तो नहोस भन्न प्रत्येक परिवारलाई फाईवर सिरक वितरण गरिएको लायन्स इन्टरनेशलन डिस्ट्रिक २३५ इ अन्तर्गतको लायन्स सर्भीस ग्रुपका संयोजक अनन्त भेटवालले जानकारी दिनुभयो ।
दमकमा रहेका बिभिन्न वार्डहरुको सहयोगमा विप्पन्नहरुको नामावाली संकलन गरिएको र लायन्सकै टीमहरुले स्थलगत निरीक्षण गरेर लक्षीत वर्गहरुको छनौट गरिएको लायन्स इन्टरनेशलन डिस्ट्रिक २३५ सि का क्याविनेट सक्रेटरी नेत्र चौलागाईले बताउनु भएको छ ।
लायन्स इन्टरनेशलन डिस्ट्रिक २३५ सि का गभर्नर ववर्जङ्ग थापाको प्रमुख आतीथ्यतामा सम्पन्न भएको कार्यक्रममा दमक नगरपालिका वार्ड ७ का वार्ड अध्यक्ष भीम पौडेल, दमकका विभिन्न लायन्स क्लवका अध्यक्ष तथा पदाधिकारी, सदस्य एवं अन्य लायन्सकर्मी सहित शिर्ष नेतृत्वहरुको समेत यो कार्यक्रममा सहभागीता रहेको थियो ।
