बिर्तामोड, ४ पुस । झापाको मेचीनगरस्थित भित्री सडकमा दुर्घटना हुँदा एकजना सामान्य घाइते भएका छन् । शुक्रबार साँझ ५ः३० बजे धुलाबारी–शान्तिनगर सडक–खण्डमा दुर्घटना भएको छ।
धुलाबारीबाट मंगलबारेतर्फ जाँदै गरेको प्रदेश १–०१–०१ ह ७७८३ नम्बरको तीन पांग्रे अटो रिक्सालाई विपरीत दिशातर्फ जाँदै गरेको प्रदेश १–०१–१६ प ४७७४ नम्बरको मोटरसाइकलले ठक्कर दिँदा दुर्घटना भएको प्रहरीले जनाएको छ।
स्थानीयबासीका अनुसार दुर्घटनामा मेचीनगर–९ खुट्टीडाँगी नजिकै भएको हो । तीव्र गतिमा रहेको मोटरसाइकल अनियन्त्रित भई अटो रिक्सालाई ठक्कर दिएको बताइएको छ । दुर्घटनामा मोटरसाइकल लगभग दुई टुक्रा भएको प्रहरीले जनाएको छ ।
दुर्घटनामा अटो रिक्सा चालक बुद्धशान्ति–४ का ३० वर्षीय राज जोशी सामान्य घाइते भएका छन् । उनको निधारमा चोट लागेको छ । मोटरसाइकाल चालक बुद्धशान्ति–५ का २३ वर्षीय युवराज खतिवडा सकुशल रहेको प्रहरीले जनाएको छ् ।
