दमक प्रहरीको हिरासतबाट भागेका थुनुवा ३ महिनापछी पक्राउ

दमक,७ पुस।जेन जि आन्दोलनका क्रममा हिरासतबाट फरार भएका एक थुनुवालाई प्रहरीले पुनः नियन्त्रणमा लिएको छ। मिति २०८२ साल ५ महिना २४ गते जेन जि आन्दोलनको समयमा इलाका प्रहरी कार्यालय दमकको हिरासत कक्षबाट भागी फरार रहेका सवारी ज्यान मुद्दाका थुनुवा २५ वर्षका आङदावा शेर्पा नियन्त्रणमा परेका हुन्। उनी जिल्ला तेह्रथुम, लालिगुराँस नगरपालिका–४ का स्थायी बासिन्दा हुन्। इलाका प्रहरी कार्यालय दमकबाट खटिएको प्रहरी टोलीले आज समयमा दमक नगरपालिका–६ क्षेत्रबाट उनलाई नियन्त्रणमा लिएको हो। नियन्त्रणमा लिइएका शेर्पालाई आवश्यक कानुनी प्रक्रिया अघि बढाउन इलाका प्रहरी कार्यालय दमकमा ल्याइएको छ। घटनासम्बन्धी थप अनुसन्धान भइरहेको प्रहरीले जनाएको छ।