दमक, १८ पुस। दमक ७ स्थित पशुहाट । शुक्रबार यहाँको अवस्था निकै रोचक थियो । मुख्य बाटो देखी वार्ड कार्यालय परिसर सम्मनै लामो लाईन । ठाउँ ठाउँमा नमस्ते गरीएका बडेमान बोर्ड तथा ब्यानरहरु देखिन्थे । सबै ब्यानरमा मत अपील गरिएको थियो ।
यी दृष्य र अवस्था हेर्दा लाग्यो यहाँ निकै रोचक चुनाव हुँदै छ । चुनाव त हो नै । अझ निकै शक्तिशाली निकाय वा केन्द्रकोनै झझल्को दिने गरीका चुनावी रौनक र माहोल थियो यहाँको ।
तर यो चुनाव न कुनै पालिका सरकार बनाउने हो , न त सांसद छन्ने नै हो । यो चुनाव व्यापारीले आफ्नो नेता छान्ने चुनाव मात्रै हो । पूर्वका अन्य शहर जस्तो ठुलो व्यापारीक कारोबार हुने बजार समेत हैन दमक । तर यहाँका व्यापारीका नेतालाई यो चुनाव जीत्नु निकै ठुलो सफलता हात पार्ने र शक्ति आर्जन गर्ने गरी प्रस्तुत गराइएको छ ।
दमक उद्योग वाणिज्य संघको निर्वाचनको रोचक परिस्पर्धाको दृष्य हो यो । यो पटकको चुनाव रोचक यसमानेमा पनि छ कि अरुबेला खासगरी दुईवटा प्यानल चुनावी प्रतिस्पर्धामा देखिन्थे । तर यो पटक चाहि तीनवटा प्यानलको प्रतिस्पर्धा निकै रोचक छ ।
यहाँको दृष्य अझ रोचक चाहि उम्मेदवार, उम्मेदवारका प्रतिनिधी जो भोट मागीदिनेहरु छन् तीनको संख्या झण्डै झण्डै मतदाताको भन्दा धेरै छ । पशुहाटको सडकबाट छिरेदेखी मतदान स्थल सम्म पुग्दा उम्मेदवार र उम्मेदवारका प्रतिनिधीले मत माग्न र भोट हाल्न भन्दै दिएका कार्ड र नमुना मतपत्रले हात भरीन्छ । गोजी छ भने त्यो पनि भरीने गर्दथे । तर गेटमा पुगेपछि ती चीरकटोलाई प्रहरीले बाहिरै राख्न र मोवाईल समेत भीत्र लैजान निशेध गरेको दृष्य पनि देखिन्थे ।
मतदान स्थल आउने हरेक मतदातालाई सहज होस भन्न एउटै व्यालेटमा पाँचवटै मतपत्रमा मतदान गर्ने व्यवस्था मिलाइएको थियो । मतदान केन्द्र बाक्लै थिए । एकजना मतदाताले बढिमा ५ देखी १० मिनेटमा मतदान गरेर निस्कने गरीको व्यवस्था मिलाइएको निर्वाचन समितीका संयोजक लीला गुरागाईले जानकारी दिनुभयो ।
यसरी मतदान केन्द्रबाट मतदान गरेर फर्केका मतदाताहरुमा बेग्लै आशा र अपेक्षाको भाव देख्न सकिन्थ्यो । उनीहरु व्यापारीका समस्यामा अटल भएर उभीने नेतृत्वलाई मतदान गरेको छु भन्नेमा विस्वास गरेर बाहिर निस्की रहेका थीए ।
दमक उद्योग वाणिज्य संघको निर्वाचनमा जीतेर जो गएपनि व्यापारीका यी अपेक्षा पुरा गर्न नसकेको गुनासो पनि व्याप्त छ । आफ्नो मताधिकार प्रयोग गरौ भनेर कतिपयले औपचारीकता मात्रै पुरा गरेको पनि प्रतिकृया दिएका छन् । यस अघी संघमा नेतृत्व गर्न आउनेहरु अमुख पार्टिको यस मेन र रीवन काट्ने औपचारीक कार्यक्रममा मात्रै सहभागी भन्ने गुनासोपनि उत्तीकै छ । अहिलेपनि अघोषीत रुपमा काग्रेस–नेकपा, राप्रपा र एमालेमा आस्थावान व्यवसायीहरुले प्यानल प्यानलनै बनाएर चुनावमा होमीनु भएको छ । तर अव चाहि यो चुनावबाट जीतेर जानेले पार्टिको निर्देशन नमान्ने र औपचारीक कार्यक्रममा कम मात्रै हिड्ने प्रतिवद्धता उम्मेदवारहरुको छ ।
यो पटकको चुनाव त्रीपक्ष भीडन्त भएपनि प्रचरका काम रचनात्मक बने । कसैैले सभा–सम्मेलन गरेनन । कोहि प्रति घोचपेच भएन । आफ्ना एजेण्डा र मुद्धाहरु मतदाता भेटेरै प्रत्यक्ष भने । मिडिया र सामाजीक सञ्जालको प्रयोग अधिक गरेको देखियो । यसले अव निर्वाचनको तरिका र माहोलमा केहि हार्दिकता र सिर्जनशीलता देखिन थालेके संकेत पनि दमकको उद्योग वाणिज्य संघको निर्वाचनले देखाएको छ ।
