झापा, २७ पुष ।झापाको मेचीनगरमा गएराति अपरिचित व्यक्तिले विध्वंस मच्चाएका छन् ।
राति अन्दाजी ११ बजे मेचीनगर १ बाँसे बस्ने ४५ वर्षीय सन्तबहादुर घिसिङले आफ्नै घरमा पार्किङ गरी राखेको डब्लुबी ७४एस५७३०नम्बको १५०सि.सि.को पल्सर मोटरसाइकलमा घरको सबै सदस्य सुतेको अवस्थामा अपरिचित व्यक्तिले आगजनी गरेको प्रहरीले जनाएको छ। आगजनीबाट मोटरसाइकलमा आंशिक क्षति भएको छ ।
त्यस्तै सोही ठाउँ बस्ने शालिग्राम पोखरेलको १०–१२ ओटा सुपारीको बिरुवा काटेर नष्ट पारेको छ भने टाली बनाई राखेको परालको कुन्यूमा समेत आगो लगाई क्षति पु¥याएका छ । जसबाट अन्दाजी ७ हजार बराबरको क्षति भएको छ । आगो तत्काल स्थानीयहरुले नियन्त्रणमा लिएका थिए । त्यस्तो विध्वंस मच्चाउने ब्यक्तिको खोजतलास भइरहेको प्रहरीले बताएको छ ।
एआइ तस्बीर
