दमक/ ८ माघ / नेकपा एमालेका अध्यक्ष केपी शर्मा ओलीले अराजकताको आयू लामो नहुने भन्दै आपराधीक कृयाकलापमा संलग्नहरु कार्वाहीको दायरा आउने बताउनु भएको छ ।
बिहिबार झापाको दमक ८ स्थित नेपाली कम्युनिष्ट पार्टी (पूर्व एकिकृत नेकपा माओवादी) का नेता गगन पुरीको आगजनी गरिएको घरको अवलोकनका क्रममा उहाँले यस प्रकारको विध्वङ्स मच्चाउनेहरु कानूनी दायरामा आउने विश्वास दिलाउनु भयो ।
जेनजीको नाममा भएको आन्दोलनका क्रममा आगजनी गरिएको घरमा सामान्य मर्मत पछि बस्दै आएका पुरीलाई आश्वस्त पार्दै अध्यक्ष ओलीले भन्नुभयो,–‘सधैं अराजकता कहाँ टिक्छ र, एक दिन त कार्वाहीको दायरामा ल्याएरै छोडिन्छ नि, बरु उजरी–निवेदन लगायतको प्रकृया चाँहि अघि बढाउनु होला ।’
नेता पुरीले आफुले सवै प्रमाणहरु संकलन गरि सकेको र कानूनी उपचारको प्रकृया पनि अघि बढाएको बताउनुभयो । आगजनी र तोडफोडका क्रममा क्रममा भएका सवै सम्पत्ती लुटिएको, घरायसी सामानहरु जलाईएको र घर पनि तोडफोड गरिएको पुरीले जनाउनुभयो ।
क्षतीग्रस्त घर अवलोकनका लागि पुग्नु भएका पूर्वप्रधानमन्त्री एवम् एमाले अध्यक्ष ओलीलाई पुरीले फूलले स्वागत गर्नु भएको थियो । नेतापुरीको घर अवलोकन पछि एमाले अध्यक्ष ओली दमक स्थित तत्कालिन माओवादीको पार्टी अवलोकन गर्दै गौरादह तर्फ लाग्नु भएको छ ।
