दमक, ९ माघ । झापाको दमक नगरपालिका वार्ड १ र ७ मा आकर्षक घरहरु छन् । जुन एकै आकृतीका मात्रै छैनन सबैको बनावट र त्यहाँको सुविधा पनि समान छन् । राता घर । जस्ता पाताले बलीयो गरी छानो लगाएको । शौचालय र नुहाउने कक्ष बाहेक तीन वटा कोठा बनाएर दमकका सुकुम्बासी तथा भूमिहिनहरुलाई सरकारले घर बनाएर बसाएको हो यो । एउटा घर निर्माण गर्न संघीय सरकार, प्रदेश सरकार र स्थानीय सरकारले गरी कुल १४ लाख बढि खर्च भएको छ । दमकको वार्ड १ तर्फ ३८ र ७ तर्फ २२ वट घरहरु यहाँ रहेका छन्।
व्याक्तिको जिवनमा अवश्यक पर्ने गाँस,बास कपास मध्ये एउटा घर हो। जाहाँ मनिसले आनन्द सँग बस्न पाँउछन् ।घाम,पानी,हुरी जस्ता हरेक समस्याबाट जोगाएर आफुलाई सुरक्षित पार्ने स्थान भनेको नै घर हो। घर नहँदा व्यक्तिको जिवनमा धेरै समस्या हुन्छ। काहाँ जाँहु भन्ने समस्या नहोस भनेर सरकारले घर बनाँइ दिएको छ। दमक बजारको एउटा सुन्दर बस्ती हो नमुना बस्ती। यहाँ उस्तै प्रकारको व्यवस्थित तरिकाको सुन्दर घरहरु छन्। आफनो घर पनि नभएका व्याक्तिहरुलाई सरकारले घर बनाएर राखि दिएको छ ।
५ वर्ष देखी यस बस्तिमा बस्दै आउनु भएकी सीता भुजेल यहाँ खानेपानी, बिजुली तथा अन्य सबै पूर्वाधार विकासको सुविधा रहेको प्रतिकृया दिनु हुन्छ । तर स्थात्वकालागी आफु बसेको घरको धनीपुर्जा पनि सरकारले दिने आफ्ना छोराछोरालाई रोजगारको अवसर पनि दिने हो भने आफुले जनमुखी सरकार पाएको अनुभूति गर्ने भुजेलको भनाई छ ।
कुनैबेला आकाशबाट पानी पर्र्दा घरबाट चुहिन्थ्यो । गतिलो छानो समेत थिएन । खालाको किनारमा सँधै जोखीम र त्राहीमाम भएर बस्नु पर्दथ्यो । तर अहिले कम्तिमा आफ्नो नै भन्ने एउटा घर छ । त्यो पनि आकर्षक, सबै सुविधा भएको र सुरक्षीत पनि । यत्तीको घर दिने सरकार प्रति यही ठाउँमा बस्नु भएकी छलीमाया दर्जी खुसी हुनुहुन्छ ।
दिनभरी बिभिन्न ठाउँमा गएर काम गरेर आउने र त्यहि कामबाट आएको पारिश्रमीबाट जीविको पार्जन पनि यस ठाउँका बासिन्दाले गर्दै आएका छन् । कामबाट थाकेर आएको बेला आफ्नै घरको धाराबाट पानी थापेर खान पाउँदा मात्रै पनि आनन्दको महसुस हुने अनुभव हरी रणपहेलीको छ ।
दमकमा अझैपनि कयौ नागरिक भूमिहिन छन् । घरबार बिहिन छन् । उनीहरुको माग छ हामीलाई पनि यस्तै घरमा राखेर स्थाीत्य प्रदान गरिदिए आभारी हुने थियौ । त्यसकारण आगामी निर्वाचनमा जनताका आधारभूत आवश्यकता पुरा गर्न सक्ने उम्मेदवारलाई नै मतदान गर्ने पनि यहाँका नागरिकले प्रतिकृया दिएका छन् ।
