काठमाडौं ,२२ असार। गृहमन्त्री सुधन गुरुङको पूर्व भ्रमणका क्रममा विभिन्न स्थानमा अनुगमन तथा समीक्षा गरिएको छ।
भ्रमणका क्रममा उहाँले सुरक्षा अवस्था, मानव–वन्यजन्तु द्वन्द्व तथा स्थानीय समस्याबारे स्थलगत जानकारी लिनुभएको छ।
गृहमन्त्री गुरुङले भ्रमणको सुरुवात अर्जुनधारा नगरपालिका–११ स्थित सालबारी हेरिटेज भिल्लाबाट गर्नुभएको हो।
त्यसपछि उहाँले झापाको मेचीनगर–४ बाहुनडाँगीस्थित हात्ती प्रभावित क्षेत्रको अनुगमन गर्नुभयो।
अनुगमनका क्रममा जंगली हात्तीका कारण स्थानीयले भोग्दै आएको समस्या, मानव–हात्ती द्वन्द्वको अवस्था तथा प्रभावित बस्तीहरूको निरीक्षण गरिएको छ।
गृहमन्त्रीले प्रभावित नागरिक, जनप्रतिनिधि तथा सरोकारवालासँग भेटघाट गर्दै समस्या समाधानका उपायबारे छलफल गर्नुभएको छ। यसअघि झापा भ्रमणका क्रममा गृहमन्त्रीले जिल्लाका सुरक्षा निकाय र प्रशासनसँग शान्ति–सुरक्षा, विपद् व्यवस्थापन तथा समग्र सुरक्षा अवस्थाबारे समीक्षा समेत गर्नुभएको थियो।
“गृहमन्त्रीको यो भ्रमणलाई मानव–वन्यजन्तु द्वन्द्व न्यूनीकरण तथा जिल्लाको सुरक्षा व्यवस्थापन सुदृढ बनाउने उद्देश्यका रूपमा लिइएको छ।”
