काठमाडौं,३० असार । उपराष्ट्रपति रामसहाय प्रसाद यादव कतारका पूर्व अमिर शेख हमाद बिन खलिफा अल थानीको निधनमा समवेदना व्यक्त गर्न मंगलबार कतार प्रस्थान गरेर्नु भएको छ ।
राष्ट्रपति रामचन्द्र पौडेलको तर्फबाट समवेदना सन्देश लिएर उपराष्ट्रपति यादव कतार जानु भएको हो । कतारका वर्तमान अमिर शेख तमिम बिन हमाद अल थानीका पिता शेख हमाद बिन खलिफा अल थानीको निधन भएपछि नेपाल सरकारको तर्फबाट श्रद्धाञ्जली तथा समवेदना व्यक्त गर्न उहाँ कतार प्रस्थान गर्नु भएको हो ।
उपराष्ट्रपति यादवले कतारमा रहँदा त्यहाँका उच्च अधिकारीहरूसँग भेट गरी नेपालका तर्फबाट समवेदना व्यक्त गर्ने कार्यक्रम छ ।
शेख हमाद बिन खलिफा अल थानीले सन् १९९५ देखि २०१३ सम्म कतारको अमिरका रूपमा नेतृत्व गर्नु भएको थियो । उहाँको निधनपछि विभिन्न देशका राष्ट्रप्रमुख तथा सरकार प्रमुखहरूले शोक व्यक्त गरेका छन् ।
