विराटनगर / झापाको मेचीनगर नगरपालिका-६ र मोरङको विराटनगर महानगरपालिका-१५ स्थितबाट प्रतिबन्धित लागुऔषध ब्राउन सुगर सहित २ जना पक्राउ परेका छन् । बिहीबार दिउँसो इलाका प्रहरी कार्यालय काँकडभिट्टाबाट खटिएको प्रहरी टोलीले चेक जाँचको क्रममा भारतबाट नेपाल आउँदै गरेका झापा कनकाई नगरपालिका-३ का ३० वर्षीय अरुण प्रधानलाई २ ग्राम ब्राउन सुगर सहित पक्राउ गरेको हो ।
साथै लागुऔषध नियन्त्रण ब्युरो विराटनगरबाट खटिएको प्रहरी टोलीले को.२५ प ७६५८ नम्बरको मोटरसाइकलमा भारत जोगिनीबाट नेपाल तर्फ आउँदै गरेका सुनसरी इटहरी-४ का ४० वर्षीय राजेन्द्र के.सी.लाई ७ ग्राम ब्राउन सुगर सहित पक्राउ गरेको हो । प्रतिबन्धित लागुऔषध सहित पक्राउ परेका दुवै जनाको थप अनुसन्धान भइरहेको प्रहरीले बताएकाे छ ।
