झापा,२८ साउन । वर्षायाम सुरु भएयता झापामा जापानिज इन्सेफ्लाइटिस (जेई) को संक्रमणबाट ५ जनाको मृत्यु भएको छ। कुल ९ जना संक्रमित मध्ये ५ जनाको मृत्यु भएको छ भने एकजना उपचाररत र तीनजना निको भएर फर्किएका छन्।
स्वास्थ्य सेवा विभागका अनुसार गत वैशाखदेखि हालसम्म देशभरका २१ जिल्लामा ८३० जनामा संक्रमण पुष्टि भएको छ भने झापाका ५ सहित देशभर १३ जनाको ज्यान गइसकेको छ।संक्रमणबाट झापामा पाँच तथा धनुषा, सुनसरी, मोरङ, इलाम, रौतहट, पर्सा, काभ्रे र दाङमा एक–एक जनाको मृत्यु भएको छ ।जेईबाट एकदेखि ६० वर्ष उमेर समूहका व्यक्ति प्रभावित भएका छन्।
प्रदेशगत रूपमा कोशी प्रदेशमा सबैभन्दा बढी २ सय बयालीस जनामा संक्रमण पुष्टि भएको छ। त्यस्तै बागमती प्रदेशमा १ सय सन्तउन्न, लुम्बिनीमा १ सय ४, मधेशमा छियनवे, सुदूरपश्चिममा सतासी र कर्णालीमा चौसठी जनामा संक्रमण पुष्टि भएको छ।
क्युलेक्स जातको लामखुट्टेको टोकाइबाट सर्ने यो भाइरसले मस्तिष्कमा गम्भीर असर पु¥याउँछ। सुँगुर र हाँसलाई यसको मुख्य स्रोत मानिन्छ।
पानी पर्ने समयमा जोखिम अझ बढ्ने भएकाले स्वास्थ्य अधिकारीहरूले लामखुट्टेको टोकाइबाट बच्न र जेईविरुद्धको खोप लगाउन अपिल गरेका छन्।
