काठमाडौँ , १ भदौ । कोशी प्रदेश सरकारमा सहभागी हुने नयाँ मन्त्रीहरूको नाम अझै टुंगिएको छैन । तर, नयाँ मन्त्रीहरूको शपथ भने आजै दिउँसो ३ बजे गराउने तयारी प्रदेश प्रमुखको कार्यालयले थालेको छ ।
प्रदेश प्रमुखको कार्यालयका प्रवक्ता नारायणप्रसाद भट्टराईका अनुसार शपथका लागि औपचारिक पत्र आइसकेको छैन । तर, दिउँसो ३ बजे शपथ गराउने अनौपचारिक जानकारी आएपछि आवश्यक तयारी थालिएको हो ।
सत्तारूढ गठबन्धनमा नेपाली कम्युनिस्ट पार्टी, नेकपाले कोशी प्रदेश सरकारमा चार मन्त्रालय पाउने सहमति भएको छ । तर, ती मन्त्रालय सम्हाल्ने मन्त्रीको नाम भने अझै सार्वजनिक भएको छैन ।
मन्त्रीको नाम टुंग्याउन नेकपाका प्रदेश इन्चार्ज राजेन्द्र राई, संसदीय दलका नेता इन्द्रबहादुर आङ्बो र प्रदेश संयोजक हर्क नेम्बाङ ‘मिक्सो’बीच छलफल जारी छ ।
चारमध्ये कोशीमा मन्त्रीको नाम अझै टुंगो लागेन, आजै ३ बजे शपथको तयारी भौतिक पूर्वाधार विकास तथा आन्तरिक मामिला तथा कानुन मन्त्रालयको जिम्मेवारी टुंगिएको नेताहरूले बताएका छन् । बाँकी दुई मन्त्रालय र मन्त्रीको नाममा भने सहमति जुट्न बाँकी छ ।
पार्टीभित्र नाम टुंगिएपछि मुख्यमन्त्री हिक्मतकुमार कार्कीसँग छलफल गरेर मन्त्रालयको अन्तिम जिम्मेवारी तोक्ने तयारी छ ।
नाम र मन्त्रालयको जिम्मेवारी नै टुंगो नलाग्दै शपथको समय तय भएपछि अबको केही घण्टाभित्रै नेकपाले आफ्ना मन्त्रीहरूको नाम सार्वजनिक गर्ने सम्भावना छ ।
अर्थात्, कोशीमा नयाँ मन्त्री को बन्दैछन् भन्ने सस्पेन्स अब केही घण्टामै हट्नेछ ।
