काठमान्डौ ,१० भदौ । राष्ट्रिय प्रजातन्त्र पार्टी (राप्रपा) की सांसद खुश्बु ओलीले मुलुक प्राकृतिक विपद् र राष्ट्रिय संकटको घडीमा रहेका बेला निजी वायुसेवा कम्पनीहरूले हवाई भाडामा गरेको अस्वाभाविक वृद्धि गरेको भन्दै विरोध गर्नु भएको छ ।
नागरिकको बाध्यताको फाइदा उठाएर नाफा कमाउन खोज्नु अमानवीय र आपत्तिजनक रहेको भन्दै उहाँले सरकारको गम्भीर ध्यानाकर्षण गराउनु भयो ।
सांसद ओलीले सामाजिक सञ्जालमार्फत आफ्नो धारणा सार्वजनिक गर्दै विपद्का कारण सडक सञ्जाल अवरुद्ध भई नागरिकको आवागमन कठिन भएको अवस्थामा हवाई भाडा बढाउनु सामाजिक उत्तरदायित्व विपरीत भएको बताएकी छन्। ूदेश राष्ट्रिय संकटको घडीमा छ। यस्तो अवस्थामा नागरिकको आवागमन सहज बनाउनुको सट्टा आन्तरिक वायुसेवा कम्पनीहरूले हवाई भाडा अस्वाभाविक रूपमा बढाउनु गम्भीर र आपत्तिजनक छ,ू उहाँले भन्नु भयो, ूसंकट नागरिकमाथि नाफा कमाउने अवसर होइन।ू
उहाँले वायुसेवा कम्पनीहरूलाई प्रश्न गर्दै विपद्को समयमा नागरिकको बाध्यताको शोषण गर्ने कि सामाजिक उत्तरदायित्व निर्वाह गर्ने भन्ने विषयमा सोच्न आग्रह गर्नु भएको छ। सडक मार्ग बन्द भएपछि हवाई यात्राको विकल्प खोजिरहेका सर्वसाधारण मारमा परेको उल्लेख गर्दै सांसद ओलीले अस्वाभाविक भाडा वृद्धिलाई तत्काल नियन्त्रण गर्न नेपाल सरकारसँग माग गर्नु भएको छ ।
साथै, उहाँले नागरिकलाई राहत दिन र सहज आवागमन सुनिश्चित गर्नका लागि प्रभावकारी कदम चाल्न समेत सरकारलाई आग्रह गर्नु भएको छ । बुधबार बिहान चीनतर्फबाट आएको बाढीले रसुवा, नुवाकोट, धादिङ लगायतका क्षेत्रमा व्यापक धनजनको क्षति भएको छ ।
