काठमाडौँ,११ भदौ । रसुवाको टिमुरेमा बाढीमा पर्नु भएका तुल्सीबहादुर भण्डारी हाल वीर अस्पतालको इमरजेन्सी कक्षमा उपचाररत हुनुन्छ् । ५३ वर्षीय भण्डारीको कानमा चोट लागेको छ ।व्यापारको सिलसिलामा कागबेनी नजिकैको टिमुरेमा बसोबास गर्दै आँउनु भएका भण्डारीका अनुसार बुधबार बिहान करिब साढे ८ बजेतिर काममा निस्कन लाग्दा एक्कासि पहाडबाट ठुला चट्टानहरू खसेर कालो मुस्लो धुवाँ र धूलो उडेको थियो । सुरुमा भूकम्प आएको भान भए पनि लगत्तै आएको लेदो बाढी र ठुला छालहरूले गाडीहरूसमेत बगाउँदै ल्याएको उहाँले बताउनु भयो ।
उहाँले भन्नु भयो– ‘म भाग्ने क्रममा बाढीको ठुलो छालले पछाडि हु¥याएर फालेकाले मात्र भाग्यवश बाँच्न सफल भए । बाँचेर माथि डाँडामा पुगेपछि आफ्नै आँखाअगाडि चार–पाँच जनाको शव देखे । त्यहाँ हजारौँ मानिसहरू लेदो बाढीमा पुरिएका वा बेपत्ता भएका छन् जस्तो लागेको छ ।’विपत्तिका बेला राज्यबाट हुनुपर्ने द्रुत उद्धार प्रयासप्रति भण्डारीले गुनासो पोख्नु भयोे । घटना लगत्तै नेपाली सेना आए पनि कठिन परिस्थिति र रात परेका कारण पर्याप्त रेस्क्यु हुन नसकेको र सरकारले पर्याप्त हेलिकप्टर प्रयोग गरी उद्धारमा तीव्रता नदेखाएको बताउनु भयो ।
उहाँले भन्नु भयो, ‘डाँडामा रातभर भोकै, चाउचाउको भरमा बिताए । म आफ्नै निजी खर्चमा हेलिकप्टर बुक गरेर काठमाडौँ आउनु पर्ने अवस्था आयो ।’ भण्डारीले घाइतेहरूको हेलिकप्टरसहित सम्पूर्ण उपचार खर्च राज्यले व्यहोर्नुपर्ने र बाढी–पहिरोमा पुरिएका, अस्पतालमा रहेका वा बेपत्ता भएका नागरिकहरूको तत्काल खोज तथा उद्धार गरिनुपर्ने जोडदार माग सरकारसमक्ष राख्नु भएको छ ।वीर अस्पतालका निर्देशक डा.विकास नेपालले विभिन्न कारणले घाइते भई वीर अस्पतालमा उपचारका लागि ल्याइएका बिरामीहरूमध्ये अधिकांशको अवस्था सामान्य रहेको बताउनु भयो । अस्पतालमा भर्ना गरिएका कुल ६ जना बिरामीमध्ये ३ जना सामान्य उपचारपछि परिवारको साथमा घर फर्किसकेका छन् ।
आँखामा चोट लागेका एक बिरामीलाई थप उपचारका लागि तिलगंगा आँखा अस्पताल रिफर गरिएको छ । डा. नेपालका अनुसार ठुलो विपद् भन्दा पनि भाग दौडका क्रममा सामान्य चोटपटक लागेका बिरामीहरू मात्र अस्पताल आइपुगेका हुन् ।
