काठमाडौं ,११ भदौ। केही समयअघि नेपाल आएर कैलाश यात्रामा निस्किएका सद्गुरुको समूहका ८० जना सदस्य सम्पर्कमा नरहेको उहाँले भिडियो सन्देशमार्फत जानकारी दिनुभयो ।
भिडियो सन्देश र एक विज्ञप्ति जारी गर्दै बाढीका कारण ८० जना सम्पर्कमा नआउँदा अत्यन्त पीडामा रहेको जानकारी दिंदै आफ्ना समूहमा रहेका ८० जनाको जानकारी नभएको उल्लेख गर्नुभयो । समूहमा विभिन्न देशका ३४ पुरुष र ४६ महिला रहेको पनि उल्लेख गर्नुभयो ।
‘केही स्वयंसेवकसहित हामी तथा पीडितका परिवारजन विनम्रतापूर्वक प्रभावित ठाउँमा जान अनुमति प्रदान गरिदिनुहुन अनुरोध गर्दछौँ,’ उहाँले भन्नु भएको, छ ।
आफूहरु उद्धार र सहयोगका लागि प्रभावित स्थलमा जान चाहेको उल्लेख गरेका छन् । ‘हामी उद्धार कार्यको प्रकृति र संवेदनशीलतालाई गहिरो रूपमा सम्मान तथा बुझ्दछौँ। हाम्रो उपस्थितिले उद्धार कार्यमा कुनै पनि प्रकारको अवरोध पु¥याउने छैन,’ उहाँले भन्नुभयो ।
उहाँले हाल साँगामा रहेको र प्रभावित क्षेत्रमा जानका लागि अनुमतिको प्रतिक्षामा रहेको बताउनु भयो । सद्गुरुका अनुसार समूहका सदस्यहरू तिब्बतको सागामा भेटिएका थिए ।
गुरुका अनुसार सीमाक्षेत्रमा सबैजसो दूरसञ्चार सेवा अवरुद्ध भएको, सडकहरू अवरुद्ध भएको र घटनास्थलसम्म पुग्ने अवस्था नरहेको पनि उल्लेख गर्नुभएको छ ।
