काठमाडौं, १२ भदौ । प्रधानमन्त्री बालेन शाह र पाकिस्तानका प्रधानमन्त्री शहबाज शरिफबीच कुराकानी भएको छ।
शुक्रबार शरिफले प्रधानमन्त्री शाहसँग कुराकानी गर्दै रसुवामा आएको बाढीपहिरोबाट भएको जनधनको क्षतिप्रति दुःख व्यक्त गर्नुभयो।
शरिफले सामाजिक सञ्जाल एक्समार्फत यस दुःखद् घडीमा पाकिस्तान नेपाल सरकार र नेपाली जनताको साथमा रहेको बताउनु भएको छ।
उहाँले उद्धार तथा राहत प्रयासमा सहयोग पुर्याउन पाकिस्तानले आपत्कालीन राहत सामग्री पठाउन लागेको जानकारीसमेत प्रधानमन्त्री शाहलाई दिएको बताउनु भएको छ।
यसअघि भारतीय प्रधानमन्त्री नरेन्द्र मोदीले पनि बुधबार प्रधानमन्त्री शाहसँग कुराकानी गरेका थिए। भारत सरकारले नेपाललाई राहत सामग्री पठाइसकेको छ।
