काठमाडौं,१४ भदौ । भोटेकोसी नदीमा आएको बाढीबाट प्रभावित विद्यार्थी तथा विद्यालयका लागि Grace International Group ले २५ लाख रुपैयाँ सहयोग गरेको छ।बाढीका कारण रसुवालगायत विभिन्न जिल्लामा ठूलो जनधनको क्षति भएको छ भने प्रभावित परिवारसँगै विद्यार्थी र शैक्षिक संस्थाहरूले समेत कठिन परिस्थितिको सामना गरिरहेका छन्।
यही अवस्थालाई मध्यनजर गर्दै प्रभावित विद्यार्थीको शैक्षिक भविष्य सुरक्षित राख्न, पठनपाठनलाई निरन्तरता दिन तथा क्षतिग्रस्त विद्यालयको पुनर्निर्माणमा सहयोग पुर्याउने उद्देश्यले Grace International Group ले २५ लाख रुपैयाँ सहयोग उपलब्ध गराएको हो।
Grace International Group का सह–संस्थापक एन्ड्रयू पौडेलले शिक्षामन्त्रीसँग भेट गरी उक्त सहयोग रकम हस्तान्तरण गर्नु भएको हो।संस्थाले विपद्का कारण प्रभावित विद्यार्थीको शिक्षा तथा शैक्षिक संस्थाको पुनःस्थापनाका लागि आवश्यकताअनुसार आगामी दिनमा समेत सहयोग र सहकार्यलाई निरन्तरता दिने जनाएको छ।शिक्षा क्षेत्रमा लामो समयदेखि सामाजिक उत्तरदायित्वअन्तर्गत विभिन्न गतिविधि गर्दै आएको Grace International Group ले विपद्को कठिन घडीमा प्रभावित विद्यार्थी, विद्यालय तथा समुदायप्रति ऐक्यबद्धता जनाउँदै तत्काल सहयोग उपलब्ध गराएको हो।
Grace International Group ले विपद्का बेला सहयोग गर्नु मानवीय जिम्मेवारीसमेत भएको उल्लेख गर्दै प्रभावित विद्यार्थीको शिक्षा नरोकिने र उनीहरूको भविष्य सुरक्षित रहने वातावरण निर्माणका लागि आगामी दिनमा पनि प्रतिबद्ध रहने जनाएको छ।Grace International Group का सह–संस्थापक एन्ड्रयू पौडेल शिक्षा क्षेत्रमा सक्रिय रहेको कम्पनीको आधिकारिक विवरणमा उल्लेख छ।
