डिजिटल अर्थतन्त्रमा एआई र साइबर सुरक्षामा सचेत रहन विज्ञहरूको जोड

काठमाडौं ,१६ भदौ। नेपालको डिजिटल अर्थतन्त्रमा साइबर सुरक्षा र आर्टिफिसियल इन्टेलिजेन्स एआइको भूमिका प्रमुख बन्दै गएकाले सचेत बन्नुपर्नेमा विज्ञहरुले जोड दिएका छन् ।मंगलबार नेपाल–भारत उद्योग वाणिज्य संघ र जेनेसे सोलुसन्सले संयुक्त रुपमा आयोजना गरेको साइबर सुरक्षा र एआइ केन्द्रीत केन्द्रित संवाद कार्यक्रममा विज्ञ र सरोकारवालाहरुले नेपालको अर्थतन्त्रमा एआइ एक महत्वपूर्ण हिस्सा बन्दै गएको औंल्याए ।कार्यक्रममा व्यवसायी एवम प्रविधि क्षेत्रका व्यावसायिक तथा सरोकारवालाहरूले उदीयमान प्रविधिले संस्थागत उत्थानशीलता, सुशासन तथा प्रतिस्पर्धात्मक क्षमतालाई परिवर्तन गर्नसक्ने धारणा राखे ।

कार्यक्रममा जेनेसे सोलुसन्सका प्रमुख प्रविधि अधिकृत निरञ्जन कुँवरले मुख्य प्रस्तुती दिंदै एआइको प्रयोग, साइबर सुरक्षा तयारी र डेटा सुरक्षामा विशेष ध्यान दिनुपर्ने बताउनु भयो । हरेक व्यवसाय डिजिटलमैत्री बन्दै गएकाले एआइ र साइबर सुरक्षाको विषय महत्वपूर्ण भएको बताउनु भयो ।कार्यक्रममा नेपाल–भारत उद्योग वाणिज्य संघका सल्लाहकार भीम ढकालले एआइलाई प्राविधिक अवसरका रूपमा मात्र नभई संस्थागत तयारी, जिम्मेवार प्रयोग तथा दीर्घकालीन उत्थानशीलताको विषयका रूपमा हेर्नुपर्नेमा जोड दिनु भयो ।उहाँले एआइको तीव्र विस्तार, क्लाउडमा बढ्दो निर्भरता र नयाँ प्रकारका साइबर जोखिमहरूले विशेषगरी बैंक तथा वित्तीय संस्थाहरूको जोखिमको विषय भएकाले सोच्नुपर्ने बेला आएको पनि बताउनु भयो ।