दमक, २२ भदौ । दमकका रेडिमेड कपडा व्यवसायी आरके थापाले रसुवामा आएको बाढीबाट प्रभावित नागरिकलाई राहतस्वरूप करिब चार लाख रुपैयाँ बराबरको सहयोग गर्नुभएको छ ।
थापाले कम्तीमा तीन सय ३० जनालाई पुग्ने गरी पेन्ट, टिसर्ट तथा सर्टलगायतका कपडा पठाउनुभएको हो ।
दमकका व्यवसायीहरूले एकैसाथ राहत सामग्री पठाउने क्रममा आफूले पनि सहयोग गर्नुपर्ने महसुस गरी सोही लटमा व्यक्तिगत रूपमा सहयोग पठाएको थापाले जानकारी दिनुभयो ।
यसैगरी, उहाँले आफ्नो पसल आरके फेसन स्टोरको १५औँ वार्षिक उत्सवका अवसरमा भएको संकलनको रकमसमेत बाढीपीडितका लागि पठाउनुभएको छ । उहाँले प्रधानमन्त्री दैवी उद्धार कोषमा २५ हजार रुपैयाँ नगदसमेत जम्मा गर्नुभएको छ ।
थापाका अनुसार पठाइएका लत्ताकपडा र नगदसहित करिब चार लाख रुपैयाँ बराबरको सहयोग बाढीपीडितका लागि गरिएको हो । उहाँको यही भोटेकोशी नदिमा परी अघील्लो वर्ष करिव १ करोड बराबरका सामान बाढीकै कारण क्षती समेत भएको थियो ।
