दमक , २६ भदौ । युनिमा लिम्बू दाँतमा देखिएको समस्या निदान र उपचारका लागि एक वर्षदेखि निरन्तर दमक–५ बेलडाँगी रोडमा रहेको ओम शान्ति डेन्टल हस्पिटलमा आउँदै हुनुहुन्छ।उहाँका अनुसार दाँत अन्यको तुलनामा अलि नमिलेका थिए। नमिलेका दाँतका कारण हिँड्दा समेत आत्मविश्वास कम हुने गरेको उहाँ बताउनुहुन्छ। त्यसैले दाँत मिलाएर खुला भएर हाँस्दै हिँड्न मन लागेपछि ओम शान्ति डेन्टलमा आएको उहाँले बताउनुभयो।
अहिले उहाँ नमिलेका, बाँगा–टिङ्गा दाँत मिलाउने उपचार गराइरहनुभएको छ। अस्पतालले प्रदान गरिरहेको सेवाप्रति उहाँ सन्तुष्ट हुनुहुन्छ।दाँत मानिसको सौन्दर्यसँग जोडिएको महत्वपूर्ण अंग हो। यसले खाना चपाउने काम मात्रै गर्दैन, हाम्रो मुस्कानलाई समेत आकर्षक बनाउँछ। त्यसैले राम्रो र स्वस्थ दाँतलाई सौन्दर्यको महत्वपूर्ण प्रतीकका रूपमा पनि लिइन्छ।
बाँगा–टिङ्गा दाँत हुने, दाँत बाहिर निस्किएको वा नमिलेको समस्या भएका व्यक्तिका लागि ओम शान्ति डेन्टल हस्पिटलले अर्थोडेन्टिक प्रविधिमार्फत तार बाँधेर विशेष उपचार प्रदान गर्दै आएको अस्पतालका अर्थोडेन्टिस्ट डा. राहुल गुप्ताले जानकारी दिनुभयो।
दमकमा दाँतसम्बन्धी सबै प्रकारका समस्याको उपचार गर्ने उद्देश्यले सञ्चालनमा रहेको ओम शान्ति डेन्टल हस्पिटलमा दन्तसम्बन्धी विभिन्न रोगको उपचार हुँदै आएको छ। विभिन्न विधाका दन्त चिकित्सकहरूको समूहद्वारा सञ्चालित अस्पतालमा दैनिक एक सयभन्दा बढी सेवाग्राहीले उपचार सेवा लिने गरेका छन्।
