Search
Close this search box.
"मन्दिरमै आवासिय सुविधा"

पशुपति मन्दिरमा अव आवासिय सुविधा, आकर्षक बैठक कक्षपनि

दमक/

दमक ६ स्थित मुख्य बजारमा रहेको पशुपति मन्दिर अहिले अत्याधुनिक र सुविधासम्पन्न धार्मिक स्थल बन्दै गएको छ । यहाँ आवश्यक पर्ने विभिन्न संचना निर्माणमा नेपाल सरकार तथा दमक सरकारको लगानी हुने गरेको छ । मन्दिर व्यवस्थापन समितीको अध्यक्षमा स्थानीय समाजसेवि तथा विकास प्रेमि व्यक्ति नन्दि अधिकारी चयन हुनु भएपछि मन्दिरको स्वरुप थप बद्लिदै गएको छ ।

यो सदनको माथील्ला तलामा रहेका कोठामा बस्ने सुविधा छ । बैठक गर्ने कक्ष पनि छन् । धार्मिक कार्यक्रममा कोहि पनि दममा आउँदा होटल तथा अन्य स्थनमा बस्न असहज हुने भएको भन्दै मन्दिरमै यस प्रकारको सुविधा बनाइएको अध्यक्ष अधिकारी बताउनु हुन्छ ।
कोठा निकै आकर्षक छन् । कोठा भित्रै शौचालय र नुहाउने कोठा पनि राखीएको छ । एउटा कोठामा ४ जना देखी १० जना सम्म पनि सुत्न मिल्छ । यस्तै आकर्षक बैठक कोठा पनि यहाँ छ ।

बैठक सोफा सेट सहित अत्यन्तै आकर्षक तरिकाले सजिसज्जावट गरिएका बैठक कोठामा १० जना देखी २५ जना सम्म बसेर बैठक बस्न सक्छन् । यसकालागि बाहिरका होटलमा लाग्ने भन्दा निकै कम मात्रै शुल्क लिइने अधिकारीले बताउनु भयो । व्यवसायीक भन्दा पनि आम नागरिकलाई सहज होस भन्नका लागि यस प्रकारको सुविधा विस्तार गरेको उहाँले बताउनु भयो ।

बजारको विचमा रहेको यो मन्दिरमा भक्तजनहरुले अव कुनै पनि कार्यक्रम वा उत्सव गर्नुपरेमा आवासको समेत सुविधा भएपछि सहज हुने उहाँको विस्वास छ । यो सुविधा सुरु हुन भने अझै केहि समय लाग्ने उहाँले बताउनु भयो । शुल्कका बारेमा समितीमा छलफल भइरहेको र टङ्गो नलागीसकेको उहाँको भनाई छ ।

सरकारी अनुदानमा यज्ञ र सभाहल

उहाँकै पहलमा यहाँ नेपाल सरकारको ४० लाख रुपैँयाको लगानीमा एउटा ३०/३० को यज्ञ गर्ने हल निर्माण गरिएको छ । चिटिक्क रङ्गरोगन, वारपार मार्वल विच्छाएर करिव एक सय जना सम्म अट्ने गरिको यज्ञ हल निर्माण भएको छ । यस्तै यहाँ ३ वटा साना तथा ठुला आकारका हलहरु छन् । यहि बजेटबाट ती बजेटको मञ्चमा आवश्यक पर्ने केहि फर्निचरका सामाग्री पनि खरिद गरिएको छ ।

मन्दिरको हलमा नियमती विभिन्न प्रकारका कार्यक्रमहरु हुने भएकोले जेनेरेटरको पनि आवश्यक थियो । यहि रकमबाट जेनेरेटर र यस्को राख्ने स्थान पनिको व्यवस्था गरियो । साथै यहाँ आवश्यक पर्ने अन्य केहि सामानहरुमा मर्मत सम्भावर समेत गरेर मन्दिरलाइ थप सुविधायूक्त बनाउँदै लगिएको अध्यक्ष अधिकारीले बताउनु भयो ।

यसैको अनुगमनमा आउनु भएका अनुगमन टोलिका सदस्य तथा दमक नगरपालिकाका इन्जिनीयर अनन्त सेनेहाङले यहाँ निर्माण भएका संरचना डिजाईन , नक्सा र स्टमेट अनुसार नै तयार भएको बताउनु भयो । समितीका अध्यक्ष अधिकारीनै निर्माणको क्षेत्रमा अब्बल र अनुभवि रहेकोले यहाँ कुनै समस्या र कैफियत नभेटिएको उहाँले बताउनु भयो ।


अनुगमन टोलीका संयोजक बोधराज न्यौपाने फिल्डमा हेर्दा काम राम्रो रहेको भन्दै निर्माण सम्पन्न गर्ने समितीको प्रसंसा गर्नु हुन्छ । थोरै बजेटमा धेरै काम निकालेर गर्न सक्नु त्यो पनि प्राविधिकको भनाई अनुसार गुणस्तिरिय हुनु आफैमा सफल पक्ष रहेको उहाँको बुझाई छ । अव पशुपति मन्दिरमा यज्ञ सञ्चालन गर्न वा अन्य कार्यक्रम गर्नका लागि केहि कुराको पनि अभाव नभएको उहाँले बताउनु भयो । कुनै समस्या वा अभाव भएमा दमक नगरपालिकाले थप सहयोग गर्ने समेत उहाँले प्र्रतिवद्धता जनाउनु भएको छ ।

नेपाल सरकारको तराई मधेस समृद्धि कार्यक्रम प्राप्त भएको ४० रुपैँयाको बजेटले यहाँ करिव ६१ लाख बराबरको काम निमालिएको समितीले दावि गरेको छ । स्टमेड अनुसारका सबै काम सकेर पनि थप अन्य काम समेत गरेकोले कम पैसामा धेरै काम निकाल्न सकिने रहेछ भन्ने उदाहरण अहिले नन्दे अधिकारी बन्नु भएको छ । बजेट र स्टेमेड अनुसारका यहाँ सबै काम सम्पन्न भै सकेका छन् ।

Share:

Facebook
Twitter
Email
WhatsApp