दमक/
दमक उद्योग वाणिज्य सघं र दमकमा रहेका विभिन्न सघं सस्थाहरुको सहकार्यमा सयूक्त रक्तदान कार्यक्रम सम्पन्न भएको छ ।
आईतबार दमक ६ स्थित नमुना बजारमा सम्पन्न भएको रक्तदानमा ७९ जनाले रक्तदान गरेको कार्यक्रम संयोजक तथा दमक उद्योग वाणिज्य सघंकी कार्यसमिती सदस्य लक्की सिटौलाले जानकारी दिनुभयो ।
रोटरी क्लव अफ दमक, लायन्स क्लव अफ दमक लखनपुर, दमक गरिमा, दमक डाइनामिक र सुन्दर समाज नेपालसँगको सहकार्यमा रक्तदान सम्पन्न भएको थियो ।
कार्यक्रममा नेपाल रेडक्रस सोसाईटि उपशाखा दमकले समन्वय गरेको थियो । कोरोना महामारीका बेला रक्तदान कार्यक्रम कम हुने र रगत बैकमा रगत मौज्दात कम भएको भन्ने गुनासो आएपछि सघंले रक्तदान कार्यक्रम आयोजना गरेको जनाइएको छ ।
