बिर्तामोड/
नेकपा एमाले विभाजन भएर नेकपा एकिकृत समाजवादि पार्टि बनिसकेको छ । निर्वाचन आयोगले पनि दललाई मान्यता दिइ सकेको छ । तर एमालेका अध्यक्ष कपी शर्मा ओलीले भने त्यो दल एमालेबाट विभाजन भएर नभई चाइटिएर गएका छेस्काहरुको समुह मात्रै रहेको बताउनु भएको छ । मंगलबार एमाले जिल्ला कमिटि झापाले विर्तामोडमा आयोजना गरेको जिल्ला स्तरीय अगुवा कार्यकर्ता भेलालाई सम्बोधन गर्दै लामो समयसम्म एमालेमा रहेर नेता माधव कुमार नेपालले फाइदा मात्र लिएको र अन्त्यमा बेइमानी गरेको बताउनुभयो ।
एमालेलाई फुटाए पनि सिंगो पार्टीले हिम्मत नहारेको र आगमी तीन तहकै निर्वाचनमा पनि ंएमालेकै जित हुने समेत वहाले दावी गर्नु भयो ।
एमालेको सरकारले ३ वर्षमा गरेका विकास निर्माणका काम स्मरण गर्दै वहाले प्रतिक्रियाबादीहरुले विकास नचाहेकाले सरकार ढलाइएको तर्क गर्नुभयो । एमाले सरकारले विकास धेरै गरेको देखेर र फेरि पनि हुने निर्वाचनमा एमालेलेनै बहुमत ल्याउने भयका कारण विभिन्न देशी तथा विदेशी सक्तीहरु लागेर सरकार सरकार ढालेको आरोप उहाको थियो ।
जनदेशको सरकार हटाएर बनेको वर्तमान परमादेशको सरकार निर्माण भएको २ महिना वित्दा समेत सरकारले पूणर्ता नपाउनु सरकारको कमजोर क्षमता देखिन थालेको पनि उहाले टिप्पणी गर्नु भयो । अहिलेको सरकारले बहुमुल्य समय खेर फालीरहेको उहाको भनाई थियो । यो अवधिमा कांग्रेस नेतृत्वको सरकारले एउटा पनि राम्रो काम नगरेको उहाको आरोप छ ।
साथै प्रतिनिधी सभाका सभामुखले आफ्नो जिम्मेवार र दावीत्व भुलेको पनि उहाले बताउनु भयो । सभामुख अग्नि प्रसाद सापकोटाले पदिय जिम्मेवारी भुलेर माओवादी केन्द्रको कार्यकताको भूमिका निर्वाह गरेको उहाले आरोप लगाउनु भयो । एमाले पार्टिले कार्वाहि गरेका सांसदहरुको नामावाली संसदको सुचना बोर्डमा टास्न नसक्नु र संसद सञ्चालन हुदा पनि संसदमा पेष गर्न नखोज्नु भनेको सभामुखको गैर जिम्मेवार भूमिका देखिएको उहाको टिप्पणी छ । जवसम्म पार्टिले कार्वाहि र निस्कासन गरेका सांसदहरुको बारेमा सदनलाई जानकारी गराइदैन तव सम्म संसद अवरुद्ध पनि पारीरहने उहाले बताउनु भएको छ ।
यस्तै भेलालाई सम्बोधन गर्दे एमाले केन्द्रीय कमिटि सदस्य तथा झापा जिल्ला कमिटि इन्चार्ज रबिन कोइरालाले पहिलेको निर्वाचन परिणामलाई आत्म समिक्षा गर्दै आगामी महाधिवेसनमा जुट्नु पर्ने बताउनुभयो । वहाले अबको निर्वाचनमा उच्च मनोबलका साथ अघि बढ्ने प्रतिबद्धता समेत ब्यक्त गर्नुभयो । पार्टि विभाजनको पक्षमा नहुन र एकताबद्ध भइ अघि बढ्न समेत नेता कार्यकर्ता लाई वहाले सुझाव दिनुभयो ।
यस्तै एमाले केन्द्रीय कमिटि सदस्य हिक्मत कार्कीले संविधानको यथार्थतालाई कुल्चीएर अध्यादेश मार्फत एमाले फुटाइएको आरोप लगाउनुभयो । अहिले पनि एमालेलाई कमजोर पार्न चौतर्फी प्रयास भइरहेको भन्दै वहाको भनाई छ ।
