दमक/
दँशै आउन अव केहि दिन मात्रै बाँकी छ । त्यसैले दशैमा आवश्य पर्ने सर्दमको जोहो गर्न सुरु पनि भएको छ । अहिले बजारमा सर्वसाधारणको चहल -पहल बढेको देखिन्छ । यसै क्रममा खासी बोकाको कारोबार पनि बढ्न थालेको छ । तर यो वर्ष अघिल्ला वर्षको जस्तो उचित मुल्य भने न किसानले पाउन सकेका छन् न त ब्यापारीले नै । यसले गर्दा दमक स्थित पशु बजारमा खरि बोकोको ब्यापार पनि घटेको छ ।
इलामको चुलाचुली गाउँपालिका वडा नं ५ की गंगा खनाल दमक स्थित पशु बजारमा भेटिनु भयो । उहाँको हातमा एउटा खसीको डोरी थियो । यही खसी बेचेर दँशैको गर्जो टार्ने उहाँले सुनाउनु भयो । वर्षमा ३ वटा सम्म खसी बेचेर हरेक वर्ष दशैँ मनाउँदै आएको बताउनु हुने खनालले असोज १३ गते बुधबारको दमक बजारमा भने सोचेजती खसीको मुल्य पाउन नसकेको बताउनु बताउनु हुन्छ । सस्तैमा भएपनि खसी बेचेर दँशैको केहि किनमेल गरेर फर्केको उहाँको भनाई छ । खसीको सोचेजति मुल्य नआउँदा दशैँमा हुने खर्च घटाउनु पर्ने वा अन्य विकल्पको खोजी गर्ने सोचमा रहेको पनि खनालले सुनाउनु भयो ।
चुलाचुलीकै दिलमान भट्टराईले गाउँमा भेटिएका खसि बोका दमकको बजारमा ल्याएर बेच्नु हुन्छ । उहाँले यो पेषा गरेको उहाँले ३० वर्ष भयो । साप्ताहिक रुपमा ८/१० हजार कमाउने भट्टराई यो पटक भने कमाई नहोला कि भन्ने चिन्तामा हुनुहुन्छ । यो पटक उहाँ बुधबार १२ वटा खसी डोर्याउदै दमक आउनु भयो । तर उहाँको एउटै पनि खसी नबिकेको उहाँले सुनाउनु भयो ।
झापा शिवसताक्षीबाट ४ वटा खसी लिएर आउनु भएका सविन खरेलले पनि एउटा मात्रै खसी बेच्न सक्नु भयो । त्यो भने सोचे जती मुल्यमा बिकेन । यसरी गाउँबाट खोजेर ल्याएको खसी नबिक्दा अव पूःन घरमै लगेर आफैले पाल्नु पर्ने र अर्को हप्ता ल्याएर बेच्नु पर्दा थप नोक्सान हुने हो कि भन्ने चिन्ता उहाँमा छ ।
दशैँमा मासुको रुपमा अधिक प्रयोग हुने खसी बोकाको ब्यापार अघिल्ला वर्ष जस्तो छैन । दशँै अगावै खसी किनेर राख्ने र घरमै पाले जस्तै गरि आफुले चाहेका दिनमा बलि दिएर खसी काट्ने चलन छ । तर यो वर्ष कोरोना कहरका कारण धेरैले खुसीका साथ दशैँ मनाउन पाएनन् । कोरोनाले धेरैको परिवारमा बिच्छचेद गराइदियो भने आर्थीक रुपमा पनि कमजोर बनाइदिएका कारण दशैँमा खसि खरिद गर्नेको संख्या कमी भएको हुन सक्ने ब्यापारीहरुको ठम्याइ छ ।
