दमक/
झापाको दमकमा रहेको स्वणर् लक्ष्मी बचत तथा ऋण सहकारी सस्थाको १२ औ वार्षिक साधारणसभा सम्पन्न भएको छ । शनिबार आफ्नै शभाहलमा औपचारिक कार्यक्रमको आयोजना गरि सस्थाले आफ्नो एक हप्ते सधारणसभा सम्पन्न गरेको हो । समापन कार्यक्रमका वक्ताहरुले देशको समृद्धि र विकासका लागि सहकारीको आवश्यकता रहेको औँलाउनु भएको थियो भने अव सहकारीहरुले आफ्ना सदस्यहरुलाई स्वरोजगार बनाउने लक्ष्य लिनु पर्नेमा पनि जोड दिएका थिए ।
एक सदस्य एक व्यवसाय, अनि बन्ने छन् हरेक सदस्य आत्मनिर्भर । यसैले देशको राष्ट्रिय अर्थतन्त्रमा मद्यत पुग्ने विस्वास छ दमक नगरपालिका वडा नं ६ का वडा अध्यक्ष टेक बहादुर थापाको । दमक स्थित स्वणर् लक्ष्मी बचत तथा ऋण सहकारी सस्थाको १२ औ साधारण सभा समापन कार्यक्रममा आफ्ना कुरा राख्दै वडाध्यक्ष थापाले सहकारीले अव पैसा लिने र दिनेमा मात्र ध्यान केन्द्रित गर्नु भन्दा पनि देशका ठुला योजनामा पनि एकिकृत ढंगले लगानी गरेर काम गर्न अनुरोध गर्नु भएको छ ।
यस्तै मेची सहकारी सस्थाका अध्यक्ष नारायण प्रसाद भट्टराईले सहकारी देशको अर्थतन्त्रको च खम्बा मद्ये एक भएपनि निजी क्षेत्रले सहकारीलाई स्विकार गर्न नसकिरहेको बताउनु भयो । सहकारीले देशका धेरै योजनाहरु सफल पुर्याउन लगानी समेत जुटाउन सक्ने बताउँदै साझा योजना बनाएर अघि बढ्न पनि आफूहरु तयार रहेको भट्टराईको भनाई छ ।
कार्यक्रमका प्रमुख अतिथी राष्ट्रिय सहकारी महासघंका सन्चालक गणेश ढकालले बचत तथा ऋण सहकारी सस्थाहरुले बहुयोजनाहरुमा लगानी गर्दा केहि समस्या हुने गरेको पनि बताउनु भयो । तर यो समस्या समाधानकालागि सहकारीहरुले कम्पनी स्थापना गरेको र त्यो कम्पनी मार्फत बहु व्यवसायमा लगानी गर्ने वातावरण रहेकोले सहकारीहरुको लगानी थप फराकिलो बन्न सक्ने बताउनु भयो । सहकारीको लगानी सेयर सदस्यमा मात्र नभएर वहु योजनामा पनि लगानी गर्न सहज भएको खण्डमा देश समृद्धि अभियानमा सहकारीको भूमिका प्रवल हुने उहाँले उल्लेख गर्नु भयो ।
सस्थाले कोरोना कालमा पनि आफ्नो कारोबारलाई बृद्धि गर्न सकेको र जिल्लाका ९ वटा अर्वको कारोबार गर्ने सहकारी मध्येमा पर्न सफल भएको भन्दै सहकारीको गतिविधिको प्रशषा पनि भएको थियो ।
सस्थाले सार्वजनिक गरेको प्रतिवेदन अनुसार अहिले सम्ममा १ अर्व ८ करोड १४ लाख ९७ हजार बढीको कारोबार गरेको छ भने ८९ करोड, ३९ लाख ५८ हजार ७ सय १६ रुपैँया ऋण लगानी गरेको छ । कोरोना कालमा पनि सस्थाले आफ्नो कारोबारमा असर नपारीस् ३६ प्रतिशतको हाराहारीमा बृद्धि गरेको गरेको अध्यक्ष रवि केसी न्यौपानेद्धारा प्रस्तुत प्रतिवेदनमा उल्लेख गरिएको छ ।
सस्थाले स्वरोगार बन्न चाहनेका लागि २ लाख रुपैँया सम्म बिना धितो ऋण लगानी पनि गर्दै आएको छ । साथै स्वरोगार बिस्तार सम्बन्धीका योजनाहरु पनि बनाइएको सस्थाका व्यवस्थापक कमल घिमिरेले जानकारी दिनुभयो ।
